ന്യൂദല്ഹി: ഇന്ത്യയിലെ ജനങ്ങള് കോണ്ഗ്രസിനെ വലിയ ഒരു പാഠം പഠിപ്പിക്കുമെന്ന് ജനതാദള് നേതാവ് എച്ച്.ഡി.ദേവഗൗഡ. കോണ്ഗ്രസ് ഭരിയ്ക്കുന്ന സംസ്ഥാനങ്ങളില് അവര് ദുര്ബ്ബലമായെന്നും ദേവഗൗഡ പറഞ്ഞു.
മൂന്നാം മോദി സര്ക്കാര് സത്യപ്രതിജ്ഞ ചെയ്യുന്ന ഞായറാഴ്ച മാധ്യമപ്രവര്ത്തകരുമായി സംസാരിക്കുകയായിരുന്നു ദേവഗൗഡ. “കോണ്ഗ്രസ് ഭരിയ്ക്കുന്ന തെലുങ്കാന, കര്ണാടക, ഹിമാചല് പ്രദേശ് എന്നീ സംസ്ഥാനങ്ങളില് ലോക് സഭാ തെരഞ്ഞെടുപ്പില് കോണ്ഗ്രസിന്റെ പ്രകടനം മോശമായിരുന്നു.” – ദേവഗൗഡ പറഞ്ഞു.
“അവര് ഭരിയ്ക്കാത്ത മറ്റ് സംസ്ഥാനങ്ങളില് ഘടകകക്ഷികളുടെ വോട്ട് മൂലം പ്രകടനം മെച്ചപ്പെട്ടുവെന്ന് മാത്രം. എത്ര കാലം ഈ സഖ്യകക്ഷികള് കോണ്ഗ്രസിനെ സഹിക്കുമെന്ന് കണ്ടറിയാം.”- ദേവഗൗഡ പറഞ്ഞു.
