ഡെറാഡൂണ്‍: ഉത്തരാഖണ്ഡിലെ ഡെറാഡൂണില്‍ ഭാരത സൈനിക അക്കാദമി (ഐഎംഎ) പാസിങ് ഔട്ട് പരേഡ് നടത്തി. നോര്‍ത്തേണ്‍ കമാന്‍ഡന്റിന്റെ ജനറല്‍ ഓഫീസര്‍ കമാന്‍ഡിങ് ഇന്‍ ചീഫ് ലഫ്. ജനറല്‍ എം.വി. സുചിന്ദ്ര കുമാര്‍ സല്യൂട്ട് ഏറ്റുവാങ്ങി.
ടെക്‌നിക്കല്‍ കോഴ്‌സുകളിലുള്‍പ്പെടെ 394 കേഡറ്റുകളാണ് സൈനിക ഓഫീസര്‍ ബിരുദം നേടിയത്. ഇതില്‍ 39 പേര്‍ വിദേശത്തു നിന്നുള്ളവരാണ്. ഭാരതീയരായ 355 കേഡറ്റുകള്‍ സൈന്യത്തിന്റെ വിവിധ വിഭാഗങ്ങളുടെ ഭാഗമാകുമെന്നും സൈന്യം പ്രസ്താവനയിലൂടെ അറിയിച്ചു. ഐഎംഎയുടെ കമാന്‍ഡന്റ് ലഫ്. ജനറല്‍ സന്ദീപ് ജെയ്ന്‍, ഡെപ്യൂട്ടി കമാന്‍ഡന്റ് മേജര്‍ ജനറല്‍ അലോക് നരേഷ് എന്നിവരും ചടങ്ങില്‍ പങ്കെടുത്തു.
