തിരുവനന്തപുരം: രാജ്യസഭാ സീറ്റില് വിട്ടുവീഴ്ചയ്ക്കില്ലെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. സീറ്റ് ഒരു ഘടക കക്ഷികള്ക്കും വിട്ടുനല്കില്ല.
പാര്ട്ടിക്ക് അര്ഹമായ സീറ്റാണിത്. രാജ്യസഭാ സീറ്റ് സംബന്ധിച്ച് എല്ഡിഎഫില് ചര്ച്ച പൂര്ത്തിയായില്ല. ഒരു വട്ടമേ ചര്ച്ച നടത്തിയുള്ളൂ. കേരള കോണ്ഗ്രസിന്റെ ആവശ്യത്തെ സംബന്ധിച്ച് അറിയില്ലെന്നും ബിനോയ് വിശ്വം പറഞ്ഞു.
എന്നാല് ഇടതുമുന്നണിയില് തന്നെ ഉറച്ചു നില്ക്കുമെന്ന് കേരളാ കോണ്ഗ്രസ് എം ചെയര്മാന് ജോസ് കെ. മാണി വ്യക്തമാക്കി. ജയപരാജയങ്ങള്ക്ക് അനുസരിച്ച് കേരളാ കോണ്ഗ്രസ് മുന്നണി മാറില്ല. രാജ്യസഭാ സീറ്റുമായി ബന്ധപ്പെട്ട് സിപിഎമ്മുമായി ചര്ച്ച നടത്തി. തീരുമാനം അറിയിക്കാമെന്ന് നേതൃത്വം അറിയിച്ചിട്ടുണ്ടെന്നും ജോസ് കെ.മാണി പറഞ്ഞു.
സീറ്റിനെ ചൊല്ലി എല്ഡിഎഫിലെ മറ്റ് ഘടകകക്ഷികളും രംഗത്ത് വന്നിട്ടുണ്ട്. എംപി സ്ഥാനമോ അല്ലെങ്കില് സര്ക്കാരിലെ മറ്റ് എന്തെങ്കിലും ഉയര്ന്ന സ്ഥാനമോ പ്രതീക്ഷിക്കുന്നുണ്ട്. സമവായ ചര്ച്ചയില് ഇതുണ്ടാകാനാണ് സാധ്യത.
