കണ്ണൂർ: കണ്ണൂരിൽ വാഹന പരിശോധനയ്ക്കിടെ എക്സൈസ് ഉദ്യോഗസ്ഥനെ തട്ടിക്കൊണ്ടുപോയ യുവാവ് പിടിയിൽ. ബേപ്പൂർ സ്വദേശിയായ യാസർ അറാഫത്തിനെയാണ് പോലീസ് പിടികൂടിയത്. കാറിനുള്ളിൽ ഉദ്യോഗസ്ഥൻ പരിശോധന നടത്തുന്നതിനിടയാണ് ചെക്പോസ്റ്റിൽ വച്ച് ഉദ്യോഗസ്ഥനുമായി കാറിൽ കടന്നു കളഞ്ഞത്.
മൂന്നു കിലോമീറ്റർ അകലെ ഉദ്യോഗസ്ഥനെ ഇറക്കിവിടുകയും ചെയ്തു. കണ്ണൂർ കൂട്ടുപുഴ ചെക്പോസ്റ്റിൽ വെച്ചാണ് സംഭവമുണ്ടായത്. മയക്കുമരുന്ന് സംഘത്തിലെ കണ്ണിയാണ് യാസറെന്ന് എക്സൈസ് അധികൃതർ വ്യക്തമാക്കി.
