നാലോ അഞ്ചോ അണുകൂടുംബങ്ങള്‍ക്ക് ഒന്നിച്ച് യാത്രപോകാവുന്ന വാഹനം….ശരിക്കും സംഘം ചേര്‍ന്ന യാത്രയും പാര്‍ട്ടിയും ആഘോഷിക്കാന്‍ കഴിയുന്ന വാഹനം. അതാണ് 11 സീറ്റുകളുള്ള, 2024 അവസാനത്തോടെ വിപണിയില്‍ എത്താന്‍ പോകുന്ന വാഹനം. വാഹനപ്രേമികൾ ഏറെ പ്രതീക്ഷയോടെയാണ് ഈ ഫുൾ 11 സീറ്റർ കിയ കാർണിവലിനെ കാത്തിരിക്കുന്നത്. കുടുംബങ്ങള്‍ ചേര്‍ന്നുള്ള തീര്‍ത്ഥയാത്രകള്‍ക്കും ടൂറുകള്‍ക്കും പറ്റുന്ന വാഹനമായി കിയ കാര്‍ണിവല്‍ 11 സീറ്റര്‍ മാറും.
ഇന്ത്യയില്‍ ഈ കാറിന്റെ രഹസ്യപരീക്ഷണങ്ങള്‍ നടന്നുകൊണ്ടിരിക്കുന്നു. വാഹനപ്രേമികൾ ഏറെ പ്രതീക്ഷയോടെ കാത്തിരിക്കുന്ന ഫുൾ 11 സീറ്റർ കിയ കാർണിവൽ ഉടൻ ഇന്ത്യൻ വിപണിയിൽ പ്രവേശിക്കാൻ ഒരുങ്ങുകയാണ്. വളരെ മത്സരാധിഷ്ഠിതമായ വിലകളും ആകർഷകമായ സവിശേഷതകളും ഉള്ളതാണ് ഈ കാർ. ഈ ഏറ്റവും പുതിയ എംപിവി വേരിയൻ്റ് ഇന്ത്യൻ വാഹന വിപണിയെ പിടിച്ചുകുലുക്കുമെന്നാണ് കമ്പനി അവകാശപ്പെടുന്നത്.
ഓട്ടോമാറ്റിക് ട്രാൻസ്മിഷനുമായി ഘടിപ്പിച്ച 2.2 ലിറ്റർ ടർബോ-ഡീസൽ എഞ്ചിൻ കിയയുടെ 11 സീറ്ററിലൂടെ ഇന്ത്യയില്‍ അവതരിപ്പിച്ചേക്കും. 2199 സിസിയാണ് എഞ്ചിന്‍. വരുന്ന ഉത്സവ സീസണിൽ കിയ കാർണിവൽ ഇന്ത്യൻ വിപണിയിൽ പ്രവേശിച്ചേക്കും. ഈ പുതിയ കിയ കാർണിവലിന് പ്രതീക്ഷിക്കുന്ന പുതിയ വില പരിധി 25 ലക്ഷം മുതൽ 40 ലക്ഷം രൂപ എന്നാണ് റിപ്പോര്‍ട്ടുകള്‍.
