ന്യൂഡല്‍ഹി: ഡല്‍ഹിയിലെ സരിതാ വിഹാറില്‍ ട്രെയിനില്‍ തീപിടുത്തം. താജ് എക്‌സ്പ്രസിന്റെ നാല് കോച്ചുകള്‍ക്കാണ് തീപിടിച്ചത്.
തുഗ്ലക്കാബാദ്്-ഓഖ്‌ല റൂട്ടില്‍ സര്‍വീസ് നടത്തുന്ന ട്രെയിന്‍ നമ്പര്‍ 12280 താജ് എക്‌സ്പ്രസിലാണ് തീപിടിത്തമുണ്ടായത്. തെക്കുകിഴക്കന്‍ ഡല്‍ഹിയിലെ സരിതാ വിഹാറില്‍ തിങ്കളാഴ്ച വൈകീട്ട് 4.24 നായിരുന്നു സംഭവം.
തീയണയ്‌ക്കാനുള്ള ശ്രമങ്ങള്‍ നടക്കുന്നതായി ഡല്‍ഹി ഫയര്‍ സര്‍വീസസ് (DFS) ഉദ്യോഗസ്ഥര്‍ പറഞ്ഞു. ഇതിനായി എട്ട് അഗ്‌നിശമനാ യുണിറ്റുകളെ നിയോഗിച്ചിട്ടുണ്ട്. അപകടത്തില്‍ ആര്‍ക്കും പരിക്കില്ല. എന്താണ് അപകട കാരണമെന്നത് വിശദമായ അന്വേഷണത്തിനു ശേഷമെ വ്യക്തമാകുകയുള്ളു എന്നും ഉദ്യോഗസ്ഥര്‍ പറഞ്ഞു.
അപകടത്തില്‍പ്പെട്ട കോച്ചുകളില്‍ നിന്ന് യഥാസമയം യാത്രക്കാര്‍ പുറത്തെത്തിയതിനാല്‍ ആര്‍ക്കും പരിക്കില്ല,
പ്രതികരിക്കാൻ ഇവിടെ എഴുതുക: