ബിജെപിയുടെ അരുണാചൽ വിജയത്തെ പ്രശംസിച്ച് യോഗി ആദിത്യനാഥ് ; ജൂൺ 4 ന് ഇൻഡി സഖ്യം പരാജയപ്പെടും

ലഖ്‌നൗ: അരുണാചൽ പ്രദേശ് നിയമസഭാ തിരഞ്ഞെടുപ്പിലെ ബിജെപിയുടെ വിജയത്തെ പ്രകീർത്തിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ജൂൺ 4 ലെ വോട്ടെണ്ണലിന് ശേഷം തന്റെ പാർട്ടിക്ക് സമാനമായ ഉജ്ജ്വല വിജയം അദ്ദേഹം പ്രവചിച്ചു.

“അരുണാചൽ പ്രദേശ് നിയമസഭയിൽ വൻ ഭൂരിപക്ഷത്തോടെ, ‘ഫിർ ഏക് ബാർ മോദി സർക്കാരിന്റെ’ ദൃഢനിശ്ചയം പൂർത്തീകരിച്ചു. കിഴക്കൻ ദിശയിൽ നിന്നുള്ള ഈ പ്രഭാതം ജൂൺ 4 ന് രാജ്യത്തെ പ്രകാശിപ്പിക്കുമെന്നും അദ്ദേഹം പറഞ്ഞു.

ജൂൺ 4 ന് കോൺഗ്രസ് നേതൃത്വത്തിലുള്ള ഇൻഡി സഖ്യം തീർച്ചയായും പരാജയം നേരിടുമെന്ന് അദ്ദേഹം എക്‌സിൽ എഴുതി. ഞായറാഴ്ച പ്രഖ്യാപിച്ച ഫലത്തിൽ, അരുണാചൽ പ്രദേശ് നിയമസഭാ തെരഞ്ഞെടുപ്പിൽ 60ൽ 46 സീറ്റുകൾ നേടി ബിജെപി തൂത്തുവാരിയിരുന്നു.