ന്യൂദല്‍ഹി: ദേശീയ തലത്തില്‍ ബിജെപി തരംഗം പ്രവചിച്ച് റിപ്പബ്ലിക് ടിവി-പിമാര്‍ക് എക്സിറ്റ് പോള്‍ സര്‍വ്വേ. ബിജെപി നേതൃത്വത്തിലുള്ള എന്ഡിഎ 359 സീറ്റുകള്‍ നേടുമെന്നും എക്സിറ്റ് പോള്‍ ഫലം പറയുന്നു.
കോണ്‍ഗ്രസ് നേതൃത്വത്തിലുള്ള ഇന്ത്യാ മുന്നണി 159 സീറ്റുകള്‍ നേടുമെന്ന് പറയുന്നു. മറ്റുള്ളവര്‍ 30 സീറ്റുകള്‍ കിട്ടുമെന്നും സര്‍വ്വേ പറയുന്നു.
ബിജെപി വിജയം പ്രവചിച്ച് എന്‍ഡിടിവി സര്‍വ്വേ
എന്‍ഡിടിവി സര്‍വ്വേയിലും ബിജെപി തരംഗം തന്നെയാണ് പ്രവചിക്കുന്നത്. എന്ഡിഎ 365 സീറ്റുകള്‍ നേടുമെന്ന് എന്ഡിഎ സര്‍വ്വേ പറയുന്നു. ഇന്ത്യാ സഖ്യം 142 സീറ്റുകള്‍ നേടുമെന്നും മറ്റുള്ളവര്‍ 36 സീറ്റുകള്‍ നേടുമെന്നും ഈ സര്‍വ്വേ ഫലം പറയുന്നു.
എന്‍ഡിഎയ്‌ക്ക് 350 സീറ്റുകള്‍ പ്രവചിച്ച് ഇന്ത്യാ ടുഡേ-ആക്സിമൈ ഇന്ത്യ സര്‍വ്വേ
വീണ്ടും മോദി സര്‍ക്കാര്‍ അധികാരത്തില്‍ വരുമെന്ന സൂചന നല്‍കി ഇന്ത്യാ ടുഡേ-ആക്സിമൈ ഇന്ത്യ സര്‍വ്വേ. എന്ഡിഎ 350 സീറ്റുകള്‍ നേടുമെന്നും കര്‍ണ്ണാടകയില്‍ ബിജെപി തരംഗമുണ്ടാകുമെന്നും ഇന്ത്യാ ടുഡേ-ആക്സിസ് മൈ ഇന്ത്യ സര്‍വ്വേ പറയുന്നു.
ഇന്ത്യാ ന്യൂസ് -ഡി ഡൈനാമിക്സ് എക്സിറ്റ് പോളിലും ബിജെപി
ഇന്ത്യാ ന്യൂസ്-ഡി ഡൈനാമിക്സ് എക്സിറ്റ് പോളിലും ബിജെപി തരംഗം തന്നെയാണ് പ്രവചിക്കുന്നത്. 371 സീറ്റുകള്‍ എന്ഡിഎ നേടുമെന്നും 127 സീറ്റുകള്‍ ഇന്ത്യാ മുന്നണി നേടുമെന്നും ആണ് ഈ സര്‍വ്വേ.
ജന്‍കീ ബാത്ത് സര്‍വ്വേയിലും ബിജെപി മുന്നേറ്റം
ബിജെപി നേതൃത്വത്തിലുള്ള എന്ഡിഎ 362 മുതല്‍ 392 സീറ്റുകള്‍ വരെ നേടുമെന്ന് ജന്‍കീ ബാത്ത് സര്‍വ്വേ ഫലം പറയുന്നു. ഇന്ത്യാ മുന്നണി 141 മുതല്‍ 161 സീറ്റുകള്‍ വരെ നേടുമെന്നും സര്‍വ്വേ ഫലം പറയുന്നു.
റിപ്പബ്ലിക് ടിവി മാട്രിസ് സര്‍വ്വേയിലും ബിജെപി തന്നെ
റിപ്പബ്ലിക് ടിവി-മാട്രിസ് സര്‍വ്വേയില്‍ ബിജെപി നേതൃത്വത്തിലുള്ള എന്ഡിഎ 353-368 സീറ്റുകള്‍ വരെ നേടി. ഇന്ത്യാ സഖ്യം 118 മുതല്‍ 133 വരെ നേടുമെന്നും സര്‍വ്വേ പറയുന്നു.
ഉത്തര്‍പ്രദേശില്‍ ബിജെപി തരംഗം
യോഗി ആദിത്യനാഥിന്റെ ഉത്തര്‍പ്രദേശില്‍ ബിജെപി തരംഗമാണ് റിപ്പബ്ലിക് ടിവി-പിമാര്‍ക് എക്സിറ്റ് പോള്‍ സര്‍വ്വേ പറയുന്നത്. ഇന്ത്യയിലെ ഏറ്റവും വലിയ സംസ്ഥാനമായ യുപി പിടിച്ചാല്‍ ഇന്ത്യ ജയിച്ചു എന്ന ഒരു ചൊല്ലുണ്ട്. ആകെ 80 ലോക്സഭാ സീറ്റുകളാണ് യുപിയില്‍ ഉള്ളത്. ബിജെപി നേതൃത്വത്തിലുള്ള എന്ഡിഎ 69 സീറ്റുകള്‍ നേടുമെന്ന് സര്‍വ്വേ പറയുന്നു. ഇന്‍ഡി സഖ്യം 11 സീറ്റുകള്‍ നേടും. ഇവിടെ അഖിലേഷ്-യാദവ് കോണ്‍ഗ്രസ് സഖ്യമാണ് എന്‍ഡിഎയെ നേരിടുന്നത്.
പ്രതികരിക്കാൻ ഇവിടെ എഴുതുക: