ആലപ്പുഴ: ജഡ്ജിയുടെ കാര് തടഞ്ഞ് ഡ്രൈവറെ അസഭ്യം വിളിച്ചതിന് കോണ്ഗ്രസ് ആലപ്പുഴ നോര്ത്ത് ബ്ലോക്ക് പ്രസിഡണ്ട് കെ എ സാബുവിനെ പൊലീസ് അറസ്റ്റ് ചെയ്തു.
മോട്ടോര് വെഹിക്കിള് ക്ലെയിംസ് ട്രൈബ്യൂണല് ജഡ്ജിയുടെ വാഹനമാണ് സാബു തടഞ്ഞുനിര്ത്തി ഡ്രൈവറെ അസഭ്യം വിളിച്ചത്. ആലപ്പുഴ നോര്ത്ത് പൊലീസാണ് പ്രതിയെ അറസ്റ്റ് ചെയ്തത്.
ജഡ്ജിയെ ജോലിക്ക് ശേഷം വീട്ടില് കൊണ്ടാക്കി തിരികെ വരികയായിരുന്ന ഡ്രൈവറെ രണ്ടു ദിവസം മുമ്പാണ് കെ എ സാബു അസഭ്യം വിളിച്ചത്. പുന്നമടയില് വെച്ച് ഗട്ടര് ഒഴിവാക്കാനായി കാര് വലതുവശത്തേക്കെടുത്തപ്പോള് എതിര്ദിശയിലൂടെ സ്കൂട്ടറില് വരികയായിരുന്നു സാബു. കാര് നേരെ വരുന്നത് കണ്ട സാബു സ്കൂട്ടര് കാറിന് കുറുകെ നിര്ത്തി. ഗട്ടര് ഒഴിവാക്കി വന്ന കാര് സ്കൂട്ടറില് ഇടിക്കാന് വന്നുവെന്ന് ആരോപിച്ചാണ് വണ്ടി തടഞ്ഞത്. പിന്നാലെ ഡ്രൈവറെ അസഭ്യം വിളിക്കുകയായിരുന്നു.
