കൊച്ചി: ആരാധനാലയങ്ങളിലെ ഭണ്ഡാരങ്ങളിൽ കവർച്ച നടത്തിയ രണ്ടംഗ സംഘം പിടിയിൽ. നേര്യമംഗലം പിറക്കുന്നം കരയിൽ പുത്തൻപുരയ്ക്കൽ വീട്ടിൽ പ്രവീൺ (24), കുട്ടമംഗലം നെല്ലിമറ്റം കരയിൽ പോത്തുകുഴി ഭാഗത്ത് പുത്തൻപുരക്കൽ വീട്ടിൽ വിഷ്ണു (21) എന്നിവരാണ് പിടിയിലായത്. പോത്താനിക്കാട് പൊലീസാണ് ഇരുവരെയും പിടികൂടിയത്.
കഴിഞ്ഞ 18-ന് പുലർച്ചെ ഞാറക്കാട് ചാപ്പലിലെ ഭണ്ഡാരം കുത്തി തുറന്ന് പണം മോഷ്ടിച്ച കേസിലാണ് അറസ്റ്റ്. ശാസ്ത്രീയ അന്വേഷണത്തിലാണ് പ്രതികൾ പിടിയിലാകുന്നത്. നിരവധി ആരാധനാലയങ്ങളിൽ ഇവർ സമാന രീതിയിലുള്ള മോഷണങ്ങൾ നടത്തിയിട്ടുണ്ടെന്ന് പൊലീസ് പറഞ്ഞു. ഇൻസ്പെക്ടർ വി.സജിൻ ശശി, എസ്ഐമാരായ ശരണ്യ. എസ്. ദേവൻ, കെ.ടി സാബു. എഎസ്ഐ വി.സി സജി, എസ്സിപിഒമാരായ ടി.കെ. ബിജു, ഷാനവാസ് സിപിഒമാരായ നിയാസുദ്ദീൻ, ദീപു പി. കൃഷ്ണൻ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
