ടെക്‌സസ്: ലോകകപ്പ് തുടങ്ങാന്‍ ഒരു ദിവസം കൂടി അവശേഷിക്കെ അമേരിക്കയിലും വെസ്റ്റിന്‍ഡീസിലും തയ്യാറായിരിക്കുന്ന ക്രിക്കറ്റ് വേദികള്‍ പലതും സന്നാഹ മത്സരത്തിന്റെ തിരക്കിലാണ്. ഭാരതത്തിന്റെ സന്നാഹ മത്സരം ബംഗ്ലാദേശിനെതിരെ നാളെയാണ് നടക്കുക.
ന്യൂയോര്‍ക്കില്‍ നാളെ രാത്രി എട്ടിനാണ് മത്സരം. ഇന്ന് നടക്കുന്ന സന്നാഹ മത്സരത്തില്‍ ശ്രീലങ്ക അയര്‍ലന്‍ഡിനെ നേരിടും. രാത്രി എട്ടിന് ഫ്‌ളോറിഡയിലാണ് മത്സരം. സന്നാഹ മത്സരത്തിലെ ആദ്യ കളിയില്‍ കാനഡ ഏഷ്യന്‍ ടീം നേപ്പാളിനെ ഞെട്ടിച്ചിരുന്നു. നെതര്‍ലന്‍ഡ്‌സ് ശ്രീലങ്കയെയും തോല്‍പ്പിച്ചു. നമീബിയയ്‌ക്കതെരായ കഴിഞ്ഞ മത്സരത്തില്‍ ഓസ്‌ട്രേലിയയും വിജയിച്ചു. ഇംഗ്ലണ്ടും പാകിസ്ഥാനും തമ്മിലുള്ള പരമ്പര ഇപ്പോഴും പുരോഗമിച്ചുകൊണ്ടിരിക്കുകയാണ്. ഞായറാഴ്‌ച്ച വെളുപ്പിനാണ് ലോകകപ്പിലെ ആദ്യ മത്സരം ആതിഥേയരായ അമേരിക്കയും കാനഡയും തമ്മിലുള്ള കളിയോടെയാണ് തുടക്കം. പ്രാഥമിക റൗണ്ട് മത്സരങ്ങളെല്ലാം അമേരിക്കയിലെ മൂന്ന് വേദികളിലായാണ് നടക്കുന്നത്.
പ്രതികരിക്കാൻ ഇവിടെ എഴുതുക: