കോഴിക്കോട്:ലോക്സഭാ തെരഞ്ഞെടുപ്പ് പ്രചാരണ വേളയില് വടകരയിലെ കാഫിര് പ്രയോഗത്തില് പൊലീസ് മുന് എംഎല്എ കെ കെ ലതികയുടെ മൊഴി രേഖപ്പെടുത്തി. വടകര എസ്എച്ച്ഒയുടെ നേതൃത്വത്തിലുള്ള സംഘം വീട്ടിലെത്തിയാണ് ലതികയുടെ മൊഴി എടുത്തത്.
കാഫിര് പ്രയോഗമുള്ള വാട്സ്ആപ്പ് സന്ദേശത്തിന്റെ സ്ക്രീന് ഷോട്ട് ലതിക ഫെയ്സ് ഫേസ്ബുക്കില് ഷെയര് ചെയ്തിരുന്നു. ഇത് കണക്കിലെടുത്താണ് പൊലീസ് കെ കെ ലതികയുടെ മൊഴി രേഖപ്പെടുത്തിയത്.
വടകരയിലെ വോട്ടെടുപ്പിന്റെ തലേ ദിവസമാണ് വിവാദ വാട്സ്ആപ്പ് സന്ദേശം പുറത്തുവന്നത്. ഷാഫി പറമ്പിലിനെ ദീനിയായ മുസ്ലിമായും കെ കെ ശൈലജയെ കാഫിറായും ചിത്രീകരിച്ചായിരുന്നു സന്ദേശം.
മുസ്ലിം യൂത്ത് ലീഗ് നേതാവ് പി കെ കാസിമിന്റെ പേരിലാണ് സന്ദേശം പ്രചരിച്ചത്. തന്റെ പേരില് വ്യാജ ഐഡി സൃഷ്ടി പ്രചരിപ്പിച്ചുവെന്ന് ആരോപിച്ച് പികെ കാസിമാണ് പൊലീസില് പരാതി നല്കിയത്.
