കന്യാകുമാരി: മൂന്നു ദിവസത്തെ സന്ദര്‍ശനത്തിനായി പ്രധാനമന്ത്രി നരേന്ദ്ര മോദി ഇന്ന് കന്യാകുമാരിയില്‍ എത്തും. വൈകിട്ട് 3.55ന് തിരുവനന്തപുരം വിമാനത്താവളത്തില്‍ നിന്നും ഹെലികോപ്ടറില്‍ കന്യാകുമാരിയിലേക്ക് പുറപ്പെടും. 4.35 ന് കന്യാകുമാരി ഗസ്റ്റ് ഹൗസില്‍ എത്തും.
തുടര്‍ന്ന് കന്യാകുമാരി ദേവീക്ഷേത്രത്തില്‍ ദര്‍ശനം നടത്തും. പൂംബുകാര്‍ ഷിപ്പിങ് കോര്‍പ്പറേഷന്റെ ബോട്ട് ജെട്ടിയില്‍ നിന്ന് വിവേകാനന്ദ സ്മാരകത്തിലേക്ക് പോകും. സ്മാരകത്തിലെ ധ്യാന മണ്ഡപത്തില്‍ രണ്ടു അദ്ദേഹം ദിവസം ധ്യാനത്തില്‍ മുഴുകും.
ധ്യാനാന്തരം സമീപത്തെ തിരുവള്ളുവര്‍ പ്രതിമ സന്ദര്‍ശിക്കും. തുടര്‍ന്ന് ഒന്നിന് വൈകിട്ട് 3.25ന് കന്യാകുമാരിയില്‍ നിന്ന് തിരുവനന്തപുരം വിമാനത്താവളത്തിലെത്തി ദല്‍ഹിക്ക് മടങ്ങും.
പ്രധാനമന്ത്രിയുടെ സന്ദര്‍ശനം പ്രമാണിച്ച് കന്യാകുമാരി കനത്ത സുരക്ഷ വലയത്തിലാണ്. ഇന്നലെ മുതല്‍ വിവേകാനന്ദപ്പാറയിലേക്ക് സന്ദര്‍ശകര്‍ക്ക് വിലക്കേര്‍പ്പെടുത്തി.
ആയിരത്തോളം പോലീസുകാരെയാണ് സുരക്ഷാ ഡ്യൂട്ടിക്കായി നിയോഗിച്ചിരിക്കുന്നത്.
പ്രതികരിക്കാൻ ഇവിടെ എഴുതുക