ചെട്ടികുങ്ങര : തന്റെ ഉള്ളിലുള്ള ആദര്‍ശങ്ങളെ വിട്ടുവീഴ്ചയില്ലാതെ പ്രവര്‍ത്തിക്കുമെന്ന ദൃഢനിശ്ചയത്തിന്റെ ഉടമയാണ് ഹിന്ദു ഐക്യവേദി ആലപ്പുഴ ജില്ലാ അധ്യക്ഷനായിരുന്ന കെ.പി.രാധാകൃഷ്ണനെന്ന് ഹിന്ദു ഐക്യവേദി സംസ്ഥാന മുഖ്യ രക്ഷാധികാരി കെ.പി.ശശികല ടീച്ചര്‍.
ഹിന്ദു ഐക്യവേദി ആലപ്പുഴ ജില്ലാ അധ്യക്ഷനായിരുന്ന കൈതതെക്ക് ചരൂര്‍ വീട്ടില്‍ കെ.പി.രാധാകൃഷ്ണന്റെ വിയോഗത്തെ തുടര്‍ന്നുള്ള അനുസ്മരണ യോഗം ചെട്ടികുളങ്ങര തീര്‍ത്ഥം ആഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു ടീച്ചര്‍. അഭിനയമല്ല പ്രവര്‍ത്തനം. സമാജത്തെ ഉള്‍ക്കൊള്ളുക എന്നതാണ് പ്രവര്‍ത്തനം. മരിച്ചവരെപ്പറ്റിയുള്ളവരുടെ നന്മകള്‍ നാം വാഴ്‌ത്തുന്നത് ജീവിച്ചിരിക്കുന്നവര്‍ക്ക് വേണ്ടിയാണെന്നും ശശികലടീച്ചര്‍ പറഞ്ഞു. ചടങ്ങില്‍ ഹിന്ദു ഐക്യവേദി ജില്ലാ പ്രസിഡന്റ് എന്‍.രാധാകൃഷ്ണ പണിക്കര്‍ അദ്ധ്യക്ഷനായി.
ആര്‍എസ്എസ് പ്രാന്തീയ കാരികാര്യ സദസ്യന്‍ എം.ആര്‍.പ്രസാദ്, ബിജെപി ദക്ഷിണ മേഖലാ അദ്ധ്യക്ഷന്‍ കെ.സോമന്‍, ജില്ലാ സംഘചാലക് ദിലീപ്, ഹിന്ദു ഐക്യവേദി സംസ്ഥാന സഹസംഘടനാ സെക്രട്ടറി സുശികുമാര്‍, കരീലകുളങ്ങര സ്പിന്നിങ് മില്ല് ചെയര്‍മാന്‍ എ.മഹേന്ദ്രന്‍,ജനതാദള്‍ സംസ്ഥാന സെക്രട്ടറി ജേക്കബ് ഉമ്മന്‍, ഗോപാലകൃഷ്ണപി
ള്ള, ശിവന്‍, രാജശ്രീ, അഡ്വ. എസ് എസ് പിള്ള, പി.എസ്. സുരേഷ്, ഗോപന്‍ ഗോകുലം തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: