രാഷ്ട്രീയത്തില് വന്നത് കൊണ്ട് സുരേഷ് ഗോപി എംപിയായി. സുരേഷ് ഗോപിയുടെ മകളുടെ വിവാഹത്തിന് മോദി വന്നു…ഇങ്ങിനെ രാഷ്ട്രീയത്തില് വന്ന സുരേഷ് ഗോപിയുടെ നേട്ടങ്ങള് എണ്ണിപ്പറയുന്നവരാണ് പലരും. എന്നാല് രാഷ്ട്രീയത്തില് വന്നത് കൊണ്ട് സുരേഷ് ഗോപിയ്ക്കുണ്ടായ നഷ്ടത്തെക്കുറിച്ചാണ് അദ്ദേഹത്തിന്റെ അടുത്ത സുഹൃത്തായ നടന് വിജയരാഘവന് പറയുന്നത്. “രാഷ്ട്രീയത്തില് വന്നതുകൊണ്ട് മാത്രം സുരേഷിന് ഒട്ടേറെ സിനിമകള് നഷ്ടപ്പെട്ടിട്ടുണ്ട്.” -വിജയരാഘവന് പറയുന്നു.
സിനിമയില് തന്റെ അടുത്ത സുഹൃത്തായ സുരേഷ് ഗോപി ഒരു നല്ല മനുഷ്യനാണെന്നും ആരെയും കാണിക്കാൻ ചെയ്യുന്നതല്ല സഹായങ്ങളെന്നും നടന് വിജയരാഘവൻ. രാഷ്ട്രീയത്തില് വന്നത് കൊണ്ട് സുരേഷ് ഗോപിയ്ക്ക്
‘സുരേഷ് ഗോപി എന്റെ അടുത്ത സുഹൃത്താണ്. പണ്ടുമുതലേ സുരേഷ് എന്റെ അടുത്ത സുഹൃത്താണ്. അയാള് ഒരു നല്ല മനുഷ്യനാണ്. കൊച്ചുപിള്ളേരുടെ സ്വഭാവമാണ്. എന്തുമാത്രം സഹായമാണ് ചെയ്യുന്നത്. ഒന്നും ആരെയും കാണിക്കാൻ ചെയ്യുന്നതല്ല. മകള് മരിച്ചതാണ് സുരേഷിന് വല്ലാതെ ഷോക്കായത്.”- വിജയരാഘവന് പറയുന്നു.
“എന്തെങ്കിലുമൊക്കെ ചെയ്യണമെന്ന വാശി സുരേഷിനുണ്ട്. ആ വാശിയെ തുടർന്നാണ് പുള്ളി രാഷ്ട്രീയത്തിലേക്ക് വന്നത്. പണ്ടേ സുരേഷ് പറയുമായിരുന്നു ഇങ്ങനെയൊന്നുമല്ല ചെയ്യേണ്ടത്, ഞാനാണെങ്കില് കാണിച്ചുകൊടുക്കുമായിരുന്നു എന്നൊക്കെ. ഒരു രാഷ്ട്രീയമില്ലാതിരുന്ന കാലത്തും എന്തൊക്കെയോ ചെയ്യണമെന്ന ആഗ്രഹം സുരേഷിനുണ്ടായിരുന്നു. .”- വിജയരാഘവൻ പറഞ്ഞു.
