തിരുവനന്തപുരം:താന്‍ ബിജെപിയില്‍ ചേരുമെന്ന് പ്രചരണം നടത്തിയതില്‍ ഗുഢാലോചനയുണ്ടെന്ന് ആരോപിച്ച് ഇടതു മുന്നണി കണ്‍വീനര്‍ ഇ.പി ജയരാജന്‍ നല്‍കിയ പരാതിയില്‍ നേരിട്ട് കേസെടുക്കാനാകില്ലെന്ന് പൊലിസ്. നേരിട്ട് കേസെടുക്കാനുള്ള മൊഴിയോ സാഹചര്യ തെളിവോ ഇല്ലെന്ന് പൊലീസ് വ്യക്തമാക്കി.
എന്നാല്‍ കോടതി നിര്‍ദ്ദേശിക്കുകയാണെങ്കില്‍ കേസെടുക്കാമെന്നും പൊലീസ് അറിയിച്ചു. സംസ്ഥാന പൊലീസ് മേധാവിക്ക് ഇ.പി ജയരാജന്‍ നല്‍കിയ പരാതി കഴക്കൂട്ടം അസിസ്റ്റന്റ് കമ്മീഷണറാണ് അന്വേഷിച്ചത്.
ഇ പിയുടെയും മകന്റെയും മൊഴി പൊലിസ് രേഖപ്പെടുത്തിയിരുന്നു. ബിജെപി കേരള പ്രഭാരി പ്രകാശ് ജാവ്‌ദേക്കര്‍, കഴക്കൂട്ടത്തെ ഫ്‌ലാറ്റിലുണ്ടായിരുന്നത് കുറച്ച് സമയം മാത്രമായിരുന്നെന്നുംാണ് പൊലീസ് വിലയിരുത്തല്‍.
പൊലീസ് നിലപാടിന്റെ പശ്ചാത്തലത്തില്‍ കോടതി വഴി നീങ്ങുമെന്ന് ഇ.പി ജയരാജന്‍ പ്രതികരിച്ചു. താന്‍ അയച്ച വക്കീല്‍ നോട്ടീസിന് ഇതുവരെ കെ സുധാകരനും ശോഭ സുരേന്ദ്രനും മറുപടി നല്‍കിയിട്ടില്ലെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: