പ്രതിരോധ ഇടപാടുകളുടെ ബ്രോക്കറായി കോൺഗ്രസ് പ്രവർത്തിക്കുന്നു : അനുരാഗ് താക്കൂർ

ഹമീർപൂർ : കോൺഗ്രസിനെ രൂക്ഷമായി വിമർശിച്ച് കേന്ദ്രമന്ത്രി അനുരാഗ് താക്കൂർ. സ്വാതന്ത്ര്യാനന്തരം പ്രതിരോധ ഇടപാടുകളുടെ ദല്ലാൾ ആയിരുന്നു പ്രതിപക്ഷ പാർട്ടിയായ കോൺഗ്രസെന്ന് അദ്ദേഹം തുറന്നടിച്ചു. ഹമീർപൂർ മണ്ഡലത്തിലെ തിരഞ്ഞെടുപ്പ് യോഗത്തിൽ പങ്കെടുത്തു സംസാരിക്കുകയായിരുന്നു അദ്ദേഹം.

ഹമീർപൂർ ലോക്‌സഭാ മണ്ഡലത്തിലെ ബിജെപി സ്ഥാനാർത്ഥിയായ താക്കൂർ, എന്തുകൊണ്ടാണ് അവർ ചൈന-പാകിസ്ഥാന്റെ കൈകളിലെ പാവകളായി തുടരുന്നതെന്ന് വിശദീകരിക്കണമെന്ന് കോൺഗ്രസ് നേതാക്കളോട് ആവശ്യപ്പെട്ടു.

“നമ്മുടെ സൈനികർ മെച്ചപ്പെട്ട സൗകര്യങ്ങൾക്കായി കൊതിക്കുമ്പോൾ, ശത്രു രാജ്യങ്ങളുടെ നിർദ്ദേശപ്രകാരം കോൺഗ്രസ് സൈന്യത്തെ ദുർബലപ്പെടുത്തുകയും പ്രതിരോധ ഇടപാടുകളുടെ ദല്ലാൾ ആയി പ്രവർത്തിക്കുകയും ചെയ്തു ” – അദ്ദേഹം പറഞ്ഞു.