ന്യൂദല്ഹി: ദല്ഹിയിലെ മലയാളികള്ക്കിടയില് വോട്ട് അഭ്യര്ത്ഥിച്ചുള്ള കേരളത്തില് നിന്നുള്ള ബിജെപി നേതാക്കളുടെ പ്രചാരണം മുന്നേറുന്നു. സമ്മേളനങ്ങളും കുടുംബയോഗങ്ങളുമൊക്കെയായി നേതാക്കള് നിറഞ്ഞുനിന്നു.
ബിജെപി മുന് സംസ്ഥാന അധ്യക്ഷന്മാരായ കുമ്മനം രാജശേഖരന്, പി.കെ. കൃഷ്ണദാസ്, സംസ്ഥാന സംഘടനാ സെക്രട്ടറി കെ. സുഭാഷ്, മുന് കേന്ദ്രമന്ത്രി അല്ഫോണ്സ് കണ്ണന്താനം, ബിജെപി സംസ്ഥാന ഉപാധ്യക്ഷ പ്രൊഫ. ജെ. പ്രമീളാദേവി, വക്താക്കളായ സന്ദീപ് വാര്യര്, സന്ദീപ് വചസ്പതി, മഹിളാമോര്ച്ച സംസ്ഥാന അധ്യക്ഷ അഡ്വ. നിവേദിത സുബ്രഹ്മണ്യന് തുടങ്ങിയവര് വിവിധ പരിപാടികളില് പങ്കെടുത്തു.
മയൂര് വിഹാര് ഫേസ് വണ്ണില് നടന്ന സമ്മേളനം ബിജെപി തമിഴ്നാട് അധ്യക്ഷന് കെ. അണ്ണാമലൈയാണ് ഉദ്ഘാടനം ചെയ്തത്. നാനൂറില് അധികം സീറ്റ് നേടി മോദി സര്ക്കാര് തുടര്ഭരണം നേടുമെന്ന് അദ്ദേഹം പറഞ്ഞു.
ദല്ഹിയിലെ കേരളാസെല് നേതാക്കളായ ശശി മേനോന്, ശശിധരന്, പദ്മകുമാര് തുടങ്ങിയവര് നേതൃത്വം നല്കി. മയൂര് വിഹാറിനുപുറമെ മെഹറോളി, ആര്.കെ. പുരം എന്നിവിടങ്ങളില് നടന്ന പ്രചാരണ പരിപാടികളിലും ഇന്നലെ കേരളത്തില് നിന്നുള്ള നേതാക്കള് പങ്കെടുത്തു. 25നാണ് ദല്ഹിയിലെ ഏഴു ലോക്സഭാ സീറ്റുകളിലേക്കുമുള്ള വോട്ടെടുപ്പ്.
