തായ്‌ലന്‍ഡ് ഓപ്പണ്‍: സാത്വിക്-ചിരാഗ് ഫൈനലില്‍

ബാങ്കോക്ക്: തായ്‌ലന്‍ഡ് ഓപ്പണ്‍ ബാഡ്മിന്റണ്‍ സെമിയില്‍ തകര്‍പ്പന്‍ ജയം നേടി ഭാരതത്തിന്റെ പുരുഷ ഡബിള്‍സ് സഖ്യം സാത്വിക് സായിരാജ് റങ്കിറെഡ്ഡി-ചിരാഗ് ഷെട്ടി ഫൈനലില്‍ കടന്നു.

ഇന്നലെ നടന്ന സെമി മത്സരത്തില്‍ ചൈനീസ് തായ്‌പേയ് പുരുഷ ഡബിള്‍സ് താരങ്ങളായ ലൂ മിങ് ഷെ- ടാങ് കായ് വെയ് സഖ്യത്തെ നേരിട്ടുള്ള ഗെയിമുകള്‍ക്കാണ് സാത്വികും ചിരാഗും തോല്‍പ്പിച്ചത്. സ്‌കോര്‍ 21-11, 21-12

ടൂര്‍ണമെന്റില്‍ ടോപ് സീഡ് താരങ്ങളായി ഇറങ്ങിയ സാത്വികും ചിരാഗും വെറും 35 മിനിറ്റില്‍ സെമി മത്സരം പൂര്‍ത്തിയാക്കി. രണ്ടാം ഗെയിമിലാണ് ചൈനീസ് തായ്‌പേയ് താരങ്ങള്‍ക്ക് ഭാരത താരങ്ങല്‍ക്ക് മേല്‍ അല്‍പ്പമെങ്കിലും വെല്ലുവിളിയുയര്‍ത്താന്‍ സാധിച്ചത്. മത്സരത്തിന്റെ ഒരു ഘട്ടത്തില്‍ 17-10 എന്ന നിലയില്‍ വരെ എത്തിയതാണ്. എന്നാല്‍ ഭാരത സഖ്യം വീണ്ടും ആക്രമിച്ചുകളിച്ച് മുന്നേറി വജയം കണ്ടെത്തുകയായിരുന്നു.

ഇന്ന് നടക്കുന്ന ഫൈനലില്‍ ചൈനീസ് സഖ്യം ഷെന്‍ ബോ യാങ്- ലിയു സി സഖ്യമാണ് ഭാരത ഡബിള്‍സ് ജോഡികളുടെ എതിരാളികള്‍. കൊറിയയുടെ കിം ജി ജംഗ്-കിം സാ രംഗ് എന്നിവരെയാണ് ചൈനീസ് ജോഡികള്‍ സെമിയില്‍ തോല്‍പ്പിച്ചത്. സ്‌കോര്‍ 21-19, 21-18.

വനിതാ ഡബിള്‍സില്‍ ഭാരതത്തിന്റെ അശ്വിനി പൊന്നപ്പ- താനിഷ ക്രാസ്‌റ്റോ സഖ്യം പരാജയപ്പെട്ട് പുറത്തായി. തായ്‌ലന്‍ഡ് സഖ്യം കിതിതരകുല്‍-അശ്വിനി പൊന്നപ്പ സഖ്യത്തോടാണ് തോറ്റത്. സ്‌കോര്‍- 12-21, 20-22