നരേന്ദ്ര മോദി മൂന്നാമതും പ്രധാനമന്ത്രിയാകും. ബിജെപിക്ക് തെക്ക്, കിഴക്കന് മേഖലകളില് കൂടുതല് സീറ്റുകളും ലഭിക്കുമെന്ന് പ്രശാന്ത് കിഷോര്.
ബംഗാളിലും തെലങ്കാനയിലും ഒഡീഷയിലും ബിജെപിയുടെ സീറ്റുകള് കൂടും. ആന്ധ്രയിലും കൂടും. തമിഴ്നാട്ടിലും സീറ്റുകള് ലഭിക്കും. വടക്ക്, പടിഞ്ഞാറ് മേഖലകളില് ബിജെപിക്ക് കാര്യമായി സീറ്റുകള് കുറയുകയുമില്ല.
നിലവില് 300 സീറ്റാണ് ബിജെപി ക്കുള്ളത്. ഈ തെരഞ്ഞെടുപ്പിലും അതില് കുറയാനുള്ള സാധ്യതകളൊന്നുമില്ല. എന്നാല് എന്ഡിഎ 400 സീറ്റുകള് നേടുമെന്ന് കരുതുന്നുമില്ല. അദ്ദേഹം പറഞ്ഞു. കഴിഞ്ഞ നാല് ഘട്ടങ്ങളിലും വോട്ടിങ് കുറഞ്ഞുവെന്നും ഇത് ബിജെപിയെ ബാധിക്കുമെന്നും ബിജെപിക്ക് ജയം ഉറപ്പില്ലെന്നും മറ്റുമുള്ള പ്രചാരണങ്ങളും വാര്ത്തകളും വരുന്ന പശ്ചാത്തലത്തിലായിരുന്നു പ്രതികരണം. ഈ തെരഞ്ഞെടുപ്പില് അട്ടിമറിക്കുള്ള സാഹചര്യങ്ങള് ഒന്നും കാണുന്നുമില്ല. ആന്ധ്രയില് ജഗന് മോഹന് റെഡ്ഡിക്ക് വന് തിരിച്ചടിയുണ്ടാകും. എന്ഡിഎ സംസ്ഥാന ഭരണം പിടിക്കുമെന്ന സൂചന നല്കി അദ്ദേഹം പറഞ്ഞു.
