വാരാണസി (ഉത്തര്‍പ്രദേശ്): പ്രധാനമന്ത്രിയുടെ സ്വന്തം മണ്ഡലമായ വാരനാസിയെ വികസനത്തിന്റെ പാതയില്‍ എത്തിച്ചതോടെ മാറിയത് തങ്ങളുടെ ജീവിതമാണെന്ന് പ്രദേശത്തെ വള്ളക്കാര്‍. തുടര്‍ച്ചയായി മൂന്നാം തവണയും മണ്ഡലത്തില്‍ നിന്ന് ലോക്‌സഭയിലേക്ക് വിജയിച്ച് കയറാന്‍ നരേന്ദ്രമോദിക്ക് എല്ലാ പിന്തുണയും നല്‍കുമെന്നും അവര്‍ വ്യക്തമാക്കി.
പ്രധാനമന്ത്രി നരേന്ദ്ര മോദി വാരാണസിയില്‍ നിന്ന് നാമനിര്‍ദേശ പത്രിക സമര്‍പ്പിച്ചത് ഒരു ദിവസം പിന്നിടുമ്പോഴാണ് പ്രദേശത്തെ പൊതുജനത്തിന്റെ പ്രതികരണം. പ്രധാനമന്ത്രി മോദി നമ്മുടെ നഗരത്തെ ലോക്‌സഭയില്‍ പ്രതിനിധീകരിക്കാന്‍ വന്നതിനുശേഷം, ഞങ്ങളുടെ കാര്യങ്ങള്‍ നന്നായിയാണ് നടക്കുന്നു, ഞങ്ങളുടെ ജീവിതവും ഉപജീവനവും മെച്ചപ്പെട്ടതായി മാറിയെന്ന് വാരണാസിയില്‍ നിന്നുള്ള ഒരു വള്ളക്കാരനായ സന്തോഷ് സാഹ്‌നി ദേശീയ മാധ്യമത്തോട് പ്രതികരിച്ചു.
പ്രധാനമന്ത്രി വരും വര്‍ഷങ്ങളിലും ഞങ്ങള്‍ക്കൊപ്പം നിന്ന് ഞങ്ങളുടെ ഉപജീവനമാര്‍ഗം കൂടുതല്‍ മെച്ചപ്പെടുത്തുമെന്ന് ഞങ്ങള്‍ ആഗ്രഹിക്കുന്നു. മറ്റെന്താണ് വേണ്ടത്. ഞങ്ങള്‍ അദ്ദേഹത്തിന് വീണ്ടും വോട്ട് ചെയ്യും. ഞങ്ങളുടെ പൂര്‍വ്വികരുടെ കാലം മുതല്‍ ഞങ്ങള്‍ ഈ തൊഴിലിലാണ് ഏര്‍പ്പെട്ടിരുന്നത്. മോദിജി ഞങ്ങളുടെ എംപിയും പ്രധാനമന്ത്രിയും ആയതിനുശേഷം, ഞങ്ങളുടെ ബിസിനസുകള്‍ക്കുണ്ടായത് വലിയ ഒരു കുതിച്ചുചാട്ടമാണ്.
നേരത്തെ, ഇവിടുത്തെ ടൂറിസം വികസനം പിന്നോട്ടടിക്കുകയും വലിയതോതില്‍ അവഗണിക്കപ്പെടുകയും ചെയ്തിരുന്നു. എന്നാല്‍, കാശി വിശ്വനാഥ് ഇടനാഴി തുറന്നതുമുതല്‍, ശുചിത്വത്തിനായുള്ള സമര്‍പ്പിത സംരംഭങ്ങള്‍, മറ്റ് നിരവധി വികസന പദ്ധതികള്‍ നടപ്പിലാക്കല്‍, ഉള്‍പ്പെടെയുള്ള മാറ്റങ്ങള്‍ കാശിയുടെ മുഖച്ഛായ തന്നെ വേറെയാക്കി.
ഇപ്പോള്‍ എല്ലാവരും വാരണാസി സന്ദര്‍ശിക്കാന്‍ ആഗ്രഹിക്കുന്നു. കൂട്ടത്തോടെ നമ്മുടെ നഗരം സന്ദര്‍ശിക്കുന്നവര്‍ ബോട്ട് സവാരിയും ബുക്ക് ചെയ്യുന്നു. അതിനാല്‍, നഗരത്തിന്റെ വിനോദസഞ്ചാര സാധ്യതകളിലെ ഉത്തേജനം ഞങ്ങളുടെ വരുമാനത്തില്‍ നല്ല സ്വാധീനം ചെലുത്തിയിട്ടുണ്ട്. ഇപ്പോള്‍, ഞങ്ങളുടെ ബോട്ടുകള്‍ ഓടിക്കാന്‍ ഞങ്ങള്‍ തുഴകളും മോട്ടോറുകളുമാണ് ഉപയോഗിക്കുന്നത്.
പ്രതികരിക്കാൻ ഇവിടെ എഴുതുക: