പുരി: പ്രധാനമന്ത്രി മോദിയാണ് മാതൃക. ചായവില്പനക്കാരന് പ്രധാനമന്ത്രിയാകാമെന്ന് കാട്ടിത്തന്ന ആ മാതൃക പിന്തുടരുകയാണ് ഒഡീഷ നിയമസഭയിലേക്ക് ബ്രഹ്മഗിരി മണ്ഡലത്തില്‍ നിന്ന് മത്സരിക്കാന്‍ നാമനിര്‍ദേശപത്രിക സമര്‍പ്പിച്ച ഇരുപത്താറുകാരന്‍ സുകാന്ത ഗദായി.
സ്വതന്ത്രനായാണ് ഗദായി മത്സരിക്കുന്നത്. എനിക്ക് പ്രേരണ മോദിജിയാണ്. അദ്ദേഹം എന്നെപ്പോലെ സാധാരണക്കാരനാണ്. എല്ലാ സാധാരണക്കാരുടെയും പ്രചോദനമാണ് മോദിജി, ഗദായി എഎന്‍ഐയോട് പറഞ്ഞു. മണ്ഡലത്തെ സ്വയംപര്യാപ്തമാക്കുകയാണ് ലക്ഷ്യം. അഴിമതി ഇല്ലാതാകണം. ജനങ്ങളെ കബളിപ്പിക്കുന്ന സംവിധാനങ്ങള്‍ അവസാനിക്കണം. സാധാരണക്കാരുടെ സ്വപ്‌നങ്ങള്‍ ചര്‍ച്ച ചെയ്യണം, ഗദായി പറയുന്നു.
#WATCH | Puri, Odisha: A tea seller, Sukanta Ghadai, who filed his nomination as an independent candidate from the Brahmagiri assembly seat, says, "I have taken inspiration from PM Modi. If a tea seller can be the Prime Minister why can't another tea seller can become the MLA? I… pic.twitter.com/8A21MfH5YB
— ANI (@ANI) May 10, 2024
സൈക്കിളിലാണ് സുകാന്ത ഗദായി മണ്ഡല പര്യടനം നടത്തുന്നത്. കുറച്ചുകൂട്ടുകാര്‍ കൂടെയുണ്ട്. ബിജെപിയുടെ ഉപാസന മൊഹാപത്രയും ബിജെഡിയുടെ ഉമാകാന്ത സാമന്തറായിയും കോണ്‍ഗ്രസിന്റെ മിത്രഭാനു മൊഹാപത്രയുമാണ് മണ്ഡലത്തിലെ പ്രധാന സ്ഥാനാര്‍ത്ഥികള്‍.
പ്രതികരിക്കാൻ ഇവിടെ എഴുതുക: