സോഹാർ : ഒമാനിലെ സോഹാറിലുണ്ടായ വാഹനാപകടത്തില്‍ ഒരു മലയാളി ഉള്‍പ്പെടെ 3 പേർ മരിച്ചു. ട്രക്ക് എതിർ ദിശയില്‍ വന്ന 11 വാഹനങ്ങളില്‍ ഇടിച്ചാണ് അപകടമുണ്ടായത്. പാലക്കാട് ഒറ്റപ്പാലം സ്വദേശി സുനില്‍ ആണ് മരിച്ചത്. സ്വകാര്യ കമ്പനിയിൽ അഡ്മിൻ മാനേജർ ആയിരുന്നു. ലിവ റൗണ്ട് എബൗട്ടിൽ ആണ് ആക്സിഡൻ്റ് നടന്നത്. മരിച്ച മറ്റു രണ്ടു പേർ സ്വദേശി പൗരൻമാരാണെന്ന് റോയല്‍ ഒമാൻ പോലീസ് അറിയിച്ചു.
അപകടത്തിൽ 15 പേർക്ക് പരിക്കേല്‍ക്കുകയും ചെയ്തു. പരിക്കേറ്റവരെ സോഹാർ ആശുപത്രിയിലേക്ക് മാറ്റി. റെസിഡന്റ് കാർഡ് പുതുക്കാൻ കുടുംബത്തോടൊപ്പം ലിവയില്‍ പോയി തിരിച്ചുവരുന്ന വഴിയിലായിരുന്നു അപകടം.
പ്രതികരിക്കാൻ ഇവിടെ എഴുതുക: