ഹമീർപൂർ: കോൺഗ്രസ് നേതാക്കൾ വിഡ്ഢികളുടെ പറുദീസയിലാണ് ജീവിക്കുന്നതെന്ന് കേന്ദ്ര വാർത്താവിതരണ പ്രക്ഷേപണ മന്ത്രി അനുരാഗ് താക്കൂർ. ജൂൺ 4 ന് തിരഞ്ഞെടുപ്പ് ഫലം പ്രഖ്യാപിക്കുന്നതോടെ തെറ്റായ വാഗ്ദാനങ്ങളിൽ വിജയിക്കാമെന്ന അവരുടെ സ്വപ്നം തകരുമെന്നും അദ്ദേഹം പറഞ്ഞു.
ദേശീയ മാധ്യമത്തിന് അനുവദിച്ച നൽകിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്. ലോക്സഭാ തെരഞ്ഞെടുപ്പിലെ തോൽവി ഭയന്ന് സ്വന്തം മുദ്രാവാക്യം “ഡരോ മത്” മറന്ന് ഒരു സീറ്റിൽ നിന്ന് മറ്റൊരു സീറ്റിലേക്ക് ഓടുകയാണ് കോൺഗ്രസ് നേതാവ് രാഹുൽ ഗാന്ധിയെന്നും ബിജെപി നേതാവ് പറഞ്ഞു.
ആദ്യം അമേഠിയിൽ നിന്ന് വയനാട്ടിലേക്കാണ് മത്സരിച്ചത്. ഇപ്പോൾ റായ്ബറേലിയിൽ നിന്നാണ് മത്സരിക്കുന്നതെന്നും അദ്ദേഹം പരിഹസിച്ചു. ഇതിനു പുറമെ റായ്ബറേലിയിലും കോൺഗ്രസ് തുടച്ചുനീക്കപ്പെടുമെന്ന് ഉറപ്പാണെന്നും അദ്ദേഹം പറഞ്ഞു.
