മുംബയ് : ലോകകപ്പ് ടീമില് കെ എല് രാഹുലിനെ ഒഴിവാക്കി സഞ്ജുവിനെയും പന്തിനെയും വിക്കറ്റ് കീപ്പര്മാരായി ഉള്പ്പെടുത്താനുളള കാരണം വ്യക്തമാക്കി ഇന്ത്യന് സെലക്ഷന് കമ്മിറ്റി ചെയര്മാന് അജിത് അഗാര്ക്കര്. കെ എല് രാഹുലിന്റെ ബാറ്റിംഗ് ഫോം അല്ല ഒഴിവാക്കാന് കാരണം. ബാറ്റിംഗ് പൊസിഷന് കണക്കിലെടുത്താണിതെന്ന് അഗാര്ക്കര് പറഞ്ഞു.
മുന്നിരയില് ഇന്ത്യക്ക് ആവശ്യമായ നിരവധി ബാറ്റര്മാരുണ്ട്. അതിനാല് മധ്യനിരയിലും അല്ലെങ്കില് അഞ്ചാം സ്ഥാനത്തോ ആറാം സ്ഥാനത്തോ ഇറങ്ങാനുള്ള കളിക്കാരെയാണ് പരിഗണിച്ചതെന്ന് അഗാര്ക്കര് പറഞ്ഞു.
സഞ്ജു മുന് നിരയില് കളിക്കുമെങ്കിലും അഞ്ചാം സ്ഥാനത്തും ആറാംസ്ഥാനത്തും ഇറങ്ങി ഫിനിഷിംഗ് നടത്താനാകും . പന്തും അഞ്ചാം സ്ഥാനത്ത് ഇറങ്ങി മികച്ച പ്രകടനം നടത്തിയിട്ടുള്ള താരമാണ്- അഗാര്ക്കര് പറഞ്ഞു.
