തൃശൂര്‍: സ്വകാര്യ ബസില്‍ ജീപ്പ് ഇടിച്ച് രണ്ട് മരണം. ജീപ്പിലുണ്ടായിരുന്ന മഞ്ഞപ്ര സ്വദേശി ബിജു ദേവസി, ഇതര സംസ്ഥാന തൊഴിലാളി എന്നിവരാണ് മരിച്ചത്.ബസിലുണ്ടായിരുന്ന അഞ്ചു പേര്‍ക്ക് പരിക്കേറ്റു.
ചേര്‍പ്പ് മുത്തോള്ളിയാല്‍ ഗ്ലോബല്‍ സ്‌കൂളിന് സമീപമാണ് അപകടം. ഉച്ചയ്‌ക്കുശേഷം മൂന്നു മണിയോടെയാണ് സംഭവം. അമിത വേഗത്തില്‍ വന്ന ജീപ്പ് മറ്റൊരു വാഹനത്തെ മറികടക്കാന്‍ ശ്രമിക്കവെ അപകടത്തില്‍ പെടുകയായിരുന്നു. ജീപ്പില്‍ രണ്ട് പേരാണ് ഉണ്ടായിരുന്നത്.
ഏറെ നേരത്തെ പ്രയത്‌ന ശേഷം ഇവരെ പുറത്ത് എടുത്ത് കൂര്‍ക്കഞ്ചേരിയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ബസിലേക്ക് ഇടിച്ചുകയറിയ നിലയിലാണ് ജീപ്പ്.
പ്രതികരിക്കാൻ ഇവിടെ എഴുതുക: