ചെങ്ങന്നൂര്‍: രണ്ട് പതിറ്റാണ്ടായി കാണുന്ന സ്വപ്‌നം യാഥാര്‍ഥ്യമായതിന്റെ ആഹ്ലാദത്തിലാണ് മുളക്കുഴ ദേവിഭവനത്തില്‍ സുരേഷ്‌കുമാര്‍ കെ.ജി. ഇതിന് പ്രധാനമന്ത്രി നരേന്ദ്രമോദിക്കും അദ്ദേഹത്തിന്റെ പിഎംആര്‍വൈ പദ്ധതിക്കും നന്ദിയറിക്കുകയാണ് ഈ ആട്ടോ ഡ്രൈവര്‍.
മുമ്പ് ചുമട്ടുതൊഴില്‍ ചെയ്തിരുന്ന സുരേഷ്‌കുമാര്‍ മറ്റുള്ളവരുടെ ആട്ടോയാണ് ഇത്രയും കാലം ഓടിച്ച് കുടുംബം പുലര്‍ത്തിയിരുന്നത്. മുമ്പ് ഓട്ടോ വാങ്ങാനായി കേന്ദ്രപദ്ധതിയില്‍ അപേക്ഷിച്ചിരുന്നെങ്കിലും ലഭിച്ചിരുന്നില്ല. പിഎംആര്‍വൈ പദ്ധതി പ്രകാരം ഒരാഴ്ച മുമ്പ് തന്നെ വാഹനം വാങ്ങിയെങ്കിലും അപ്‌ഹോള്‍സ്റ്ററി ജോലികള്‍ പൂര്‍ത്തിയാക്കി നമ്പരും എഴുതിയശേഷം ഇന്നലെ മുളക്കുഴ ഗന്ധര്‍വമുറ്റത്ത് ദേവി ക്ഷേത്രത്തിലെ പൂജാരിയില്‍ നിന്നും പൂജ ചെയ്ത് താക്കോല്‍ വാങ്ങിയ ശേഷമാണ് നിരത്തിലിറക്കിയത്.
ഭാര്യ പുഷ്പകുമാരി സഹപ്രവര്‍ത്തകര്‍ക്കും ബിജെപി നേതാക്കള്‍ക്കും നാട്ടുകാര്‍ക്കും മധുരം കൈമാറി. ബിജെപി മണ്ഡലം പ്രസിഡന്റ് പ്രമോദ് കാരയ്‌ക്കാടും ജനറല്‍ സെക്രട്ടറി അനീഷ് മുളക്കുഴയും സുരേഷ്‌കുമാറിന് അഭിനന്ദനവുമായി എത്തിയിരുന്നു. ഡിഗ്രി വിദ്യാര്‍ഥി സുജിത്, പത്താംക്ലാസ് വിദ്യാര്‍ഥിനി സഞ്ജന എന്നിവര്‍ മക്കളാണ്.
പ്രതികരിക്കാൻ ഇവിടെ എഴുതുക: