ന്യൂദല്‍ഹി: സര്‍ക്കാര്‍ എണ്ണ വിപണന കമ്പനികള്‍ വാണിജ്യ എല്‍പിജി ഗ്യാസ് സിലിണ്ടറുകളുടെ വില 19 രൂപ കുറച്ചു. ഇതോടെ 19 കിലോഗ്രാം വാണിജ്യ എല്‍പിജി സിലിണ്ടറിന്റെ ചില്ലറ വില്‍പ്പന വില ദല്‍ഹിയില്‍ 1745.50 രൂപയാണ്. കഴിഞ്ഞ മാസം 19 കിലോഗ്രാം വാണിജ്യ സിലിണ്ടറിന് 30.50 രൂപ കുറച്ച് 1764.50 രൂപയായിരുന്നു.
വില കുറയുന്നതിന് പിന്നിലെ കൃത്യമായ കാരണങ്ങള്‍ വെളിപ്പെടുത്തിയിട്ടില്ലെങ്കിലും, അന്താരാഷ്‌ട്ര എണ്ണവിലയിലെ മാറ്റങ്ങള്‍, നികുതി നയങ്ങളിലെ മാറ്റങ്ങള്‍, സപ്ലൈഡിമാന്‍ഡ് ഡൈനാമിക്‌സ് തുടങ്ങിയ വിവിധ ഘടകങ്ങള്‍ അത്തരം ക്രമീകരണങ്ങള്‍ക്ക് കാരണമായേക്കാം.
അതേ സമയം ഗാര്‍ഹികാവശ്യ സിലിണ്ടറിന്റെ വിലയില്‍ മാറ്റമില്ല. വാണിജ്യപരവും ഗാര്‍ഹികവുമായ എല്‍പിജി (ദ്രവീകൃത പെട്രോളിയം വാതകം) സിലിണ്ടറുകള്‍ക്കായുള്ള പുനരവലോകനങ്ങള്‍ സാധാരണയായി ഓരോ മാസത്തിന്റെയും ആദ്യ ദിവസങ്ങളിലാണ് സംഭവിക്കുന്നത്.
