തിരുവനന്തപുരം: കൊട്ടിക്കലാശത്തിന് ശേഷം നിശ്ശബ്ദ പ്രചാരണ ദിവസം ക്രിസ്ത്യന് തീര്ത്ഥാടനകേന്ദ്രങ്ങളില് എത്തി പ്രാര്ഥനകളുമായി സുരേഷ് ഗോപി. കോട്ടയം ജില്ലയിലെ അരുവിത്തുറ പള്ളി, പാലാപ്പള്ളി എന്നിവിടങ്ങളിലായിരുന്നു ആദ്യ സന്ദര്ശനങ്ങള്. സീറോ മലബാര് സഭ, ഓര്ത്തഡോക്സ് സഭാ അധ്യക്ഷന്മാരെയും കണ്ടു.
തന്റെ സന്ദര്ശനം തീര്ത്തും സ്വകാര്യമാണെന്നും പള്ളിയില് എത്തി പ്രാര്ത്ഥിക്കാമെന്ന് വഴിപാടുണ്ടായിരുന്നെന്നും സുരേഷ് ഗോപി പറഞ്ഞു. ബിഷപ്പ് അനുഗ്രഹിച്ചോ എന്ന ചോദ്യത്തിന് ഇത് പ്രാര്ഥനയുമായി ബന്ധപ്പെട്ട സന്ദര്ശനമായിരുന്നുവെന്ന് സുരേഷ് ഗോപി പറഞ്ഞു. ഇനി അടുത്തത് കാഞ്ഞിരപ്പള്ളിയിലേക്കാണോ എന്ന ചോദ്യത്തിന് ജീവിച്ചുപൊയ്ക്കോട്ടെ എന്നായിരുന്നു സുരേഷ് ഗോപിയുടെ മറുപടി.
2019 മുതല് അധ്വാനിച്ച മണ്ഡലമാണ് തൃശൂരെന്ന് മറ്റൊരു ചോദ്യത്തിന് ഉത്തരമായി സുരേഷ് ഗോപി പറഞ്ഞു. അവിടുത്തെ ആളുകള്ക്കെല്ലാം എന്നെ നല്ലതുപോലെ അറിയാം എന്ന അവസ്ഥയായിട്ടുണ്ട്. എന്എസ്എസ് ആസ്ഥാനത്തും എസ് എന്ഡിപി ആസ്ഥാനത്തും സുരേഷ് ഗോപി സന്ദര്ശനം നടത്തി.
