ഡാര്ജിലിംഗ് (പശ്ചിമ ബംഗാള്): പ്രധാനമന്ത്രി നരേന്ദ്രമോദി വീണ്ടും പ്രധാനമന്ത്രിയാകാന് പശ്ചിമ ബംഗാളിലെ ജനങ്ങള് കാത്തിരിക്കുകയാണെന്ന് കേന്ദ്രമന്ത്രി നിസിത് പ്രമാണിക് പറഞ്ഞു. ഇവിടെ ഭരിക്കുന്ന തൃണമൂല് കോണ്ഗ്രസ് സ്ത്രീകളെ അപമാനിക്കുകയും സംസ്ഥാനത്തെ യുവാക്കളുടെ ഭാവിയെ അമ്മാനമാടുകയാണ്. ഡാര്ജിലിംഗ് മണ്ഡലത്തിലെ ബിജെപി സ്ഥാനാര്ത്ഥി രാജു ബിസ്തയെ പിന്തുണച്ച് റോഡ് ഷോ നടത്തുകയായിരുന്നു നിസിത് പ്രമാണിക്.
ബംഗാളില് തൃണമൂല് കോണ്ഗ്രസ് സ്ത്രീകളെ അപമാനിച്ച രീതി, യുവാക്കളുടെ വിദ്യാഭ്യാസം നശിപ്പിച്ച രീതി, ഇതിനെതിരെ ബംഗാളിലെ അമ്മമാരും സഹോദരിമാരും യുവാക്കളും ഈ റാലിയില് എത്തിയിട്ടുണ്ട്. ഈ ജനക്കൂട്ടത്തെ നോക്കുമ്പോള്, മോദി മൂന്നാം തവണയും പ്രധാനമന്ത്രിയാകണമെന്നാണ് ബംഗാളിലെ ജനങ്ങള് ആഗ്രഹിക്കുന്നതെന്ന് നമുക്ക് പറയാന് കഴിയുമെന്ന് നിസിത് പ്രമാണിക് പറഞ്ഞു.
2009 മുതല് ഡാര്ജിലിംഗ് ബിജെപിയുടെ കോട്ടയാണ്, സംസ്ഥാനത്തെ പ്രധാന പ്രതിപക്ഷ പാര്ട്ടിയില് നിന്ന് ടിഎംസിക്ക് ഒരിക്കലും സീറ്റ് പിടിച്ചെടുക്കാനായില്ല. ഏപ്രില് 26ന് ഡാര്ജിലിംഗ് ലോക്സഭാ സീറ്റില് ബിസ്ത ടിഎംസിയുടെ ഗോപാല് ലാമയെയും കോണ്ഗ്രസിന്റെ മുനിഷ് തമാംഗിനെയും നേരിടും.
