കൊച്ചി: എറണാകുളം സ്വദേശിനി ലീലാമ്മ ജോണ്‍ ഇപ്പോള്‍ സമൂഹമാധ്യമങ്ങളില്‍ വൈറലാണ്. പട്ടാമ്പിയിലെ ബന്ധുവീട്ടില്‍ കല്യാണ തലേന്നുളള നൃത്തമാണ് ഈ 64 കാരിയെ താരമാക്കിയത്.
ഒരു മധുര കിനാവിന്‍ ലഹരിയിലെങ്ങോ എന്ന പാട്ടിനൊപ്പമായിരുന്നു ചുവട് വച്ചത്.
നൃത്തം ചെയ്യുന്ന വീഡിയോ ലക്ഷക്കണക്കിന് ആളുകളാണ് കണ്ടതും പ്രതികരണമറിയിച്ചതും. ഡാന്‍സിനോട് ഇഷ്ടമുണ്ട്. അവസരം ലഭിച്ചപ്പോള്‍ സ്റ്റേജില്‍ കയറി തകര്‍ത്തു.ഡാന്‍സ് കളിക്കാന്‍ സ്പീഡ് പാട്ടല്ലേ നല്ലതെന്നും റഹ്മാന്റെ പാട്ടിന് ചുവട് വച്ചപ്പോള്‍ പ്രായം ഒന്നും നോക്കീല്ലെന്നും ലീലാമ്മ പറഞ്ഞു. മോന്‍ പ്രോത്സാഹിപ്പിച്ചപ്പോള്‍ സറ്റേജില്‍ കയറി കളിക്കുകയായിരുന്നു.
ലീലാമ്മയുടെ ഡാന്‍സ് ഒപ്പം കളിച്ച കുട്ടികളെയും അതിശയിപ്പിച്ചു.ഇങ്ങനെ കളിക്കുമെന്ന് പ്രതീക്ഷിച്ചില്ലെന്നാണ് കൂടെ കളിച്ച കുട്ടികളും പറയുന്നത്.
താന്‍ അമ്മയ്‌ക്കൊപ്പം പണ്ടും ഡാന്‍സ് കളിക്കാറുണ്ടെന്ന് മകന്‍ സന്തോഷ് പറഞ്ഞു. കഴിഞ്ഞ ദിവസം വെറുതെ വീഡിയോ എടുത്ത് ഇട്ടതാണ്. ഇത്രയും വൈറലാകുമെന്ന് പ്രതീക്ഷിച്ചില്ലെന്ന് സന്തോഷ് പറഞ്ഞു.
