തിരുവനന്തപുരം: ഗവര്ണര് ആരിഫ് മുഹമ്മദ് ഖാനെ വഴി തടയുന്ന ഇടതുപക്ഷത്തിന്റെ നടപടി നിന്ദ്യമായതാണെന്ന് പ്രധാനമന്ത്രി നരേന്ദ്രമോദി. ശത്രുരാജ്യങ്ങള് പോലും നയതന്ത്ര പ്രതിനിധികള്ക്ക് സുരക്ഷ നല്കും. ഭരണ ഘടന പദവിയിലിരിക്കുന്നവരെ ബഹുമാനിക്കേണ്ടത് സംസ്ഥാനങ്ങളുടെ ബാധ്യതയാണ്. എന്നാല് അവഹേളനത്തെക്കുറിച്ച് ഗവര്ണര് ഇതുവരെ തന്നോട് സൂചിപ്പിച്ചിട്ടില്ല. ആരിഫ് മുഹമ്മദ് ഖാന് എല്ലാം സഹിക്കുന്നയാളാണെന്നും മോദി പറഞ്ഞു.
രാജ്ഭവന് കിട്ടേണ്ട പണം പോലും സംസ്ഥാന സര്ക്കാര് പിടിച്ചുവെയ്ക്കുകയാണ്. നാളെ അരിശം കയറി രാജ്ഭവനിലെ വൈദ്യുതി വിഛേദിച്ചാല് എന്താകും അവസ്ഥയെന്നും അദേഹം ഏഷ്യാനെറ്റിനു നല്കിയ പ്രത്യേക അഭിമുഖത്തില് പറഞ്ഞു. തമിഴ്നാട്ടിലെ ഗവര്ണറുടെ വസതിക്ക് മുന്നില് പെട്രോള് ബോംബ് ആക്രമണം ഉണ്ടായി. ഇതൊന്നും സംസ്ഥാന സര്ക്കാരുകള്ക്ക് ഭൂഷണമായ കാര്യങ്ങളല്ലെന്നും അദേഹം പറഞ്ഞു.
