തിരുവനന്തപുരം: നാഷണല്‍ പ്രോഗ്രസ്സീവ് പാര്‍ട്ടി തിരുവനന്തപുരത്ത് നടന്ന നേതൃസമ്മേളനം എന്‍ഡിഎയ്‌ക്ക് പിന്തുണ പ്രഖ്യാപിച്ചു. സമ്മേളനം ബസേലിയോസ് മാര്‍ത്തോമ പ്രഥമന്‍ കത്തോലിക്ക ബാവ ഉദ്ഘാടനം ചെയ്തു. വിശാല ഹിന്ദു ക്രിസ്ത്യന്‍ ഐക്യത്തിന്റെ ഭാഗമായി ക്രിസ്ത്യന്‍ വിഭാഗവും ഹിന്ദു പാര്‍ലമെന്റില്‍ അംഗമായ ഹിന്ദു സമുദായ സംഘടനകളും ചേര്‍ന്ന് രൂപം കൊടുത്ത രാഷ്‌ട്രീയ പാര്‍ട്ടിയായ നാഷണല്‍ പ്രോഗ്രസ്സീവ് പാര്‍ട്ടി എന്‍ഡിഎയുടെ പുതിയ ഘടക കക്ഷിയാണ്.
തിരുവനന്തപുരം ജില്ലയിലെ എന്‍പിപി നേതാക്കളുടെ സമ്മേളനത്തില്‍ എന്‍ഡിഎ സ്ഥാനാര്‍ത്ഥി രാജീവ് ചന്ദ്രശേഖറിന് സ്വീകണവും നല്‍കി. ഡിഎസ്‌ജെപി ജനറല്‍ സെക്രട്ടറി പ്രൊഫ. ഗോപകുമാര്‍ അധ്യക്ഷനായിരുന്നു. എന്‍പിപി വൈസ് ചെയര്‍മാന്‍ സി.പി. സുഗതന്‍ മുഖ്യപ്രഭാഷണം നടത്തി.
ചടങ്ങില്‍ ജനസഭ ചെയര്‍മാന്‍ പാറത്തോട് വിജയന്‍, മുന്നോക്ക സമുദായ സംഘടന പ്രസിഡന്റ് ഇടയാടി സ്വാമികള്‍, ഹിന്ദു പാര്‍ലമെന്റ് ആത്മീയ സഭ സെക്രട്ടറി ഡോ. ബി. അശോകന്‍, യോഗീശ്വര സംഘം ചെയര്‍മാന്‍ ബാലചന്ദ്രന്‍ തിനവിള തുടങ്ങിയവര്‍ പങ്കെടുത്തു. ചടങ്ങില്‍ രാജീവ് ചന്ദ്രശേഖറിന് എന്‍പിപി നേതാക്കള്‍ സ്വീകരണവും നല്‍കി.
പ്രതികരിക്കാൻ ഇവിടെ എഴുതുക: