ന്യൂഡൽഹി: ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ 2024-ലെ പ്രവേശന പരീക്ഷയ്ക്കുള്ള രജിസ്ട്രേഷൻ തീയതി നീട്ടി. എയിംസിന്റെ മറ്റ് കേന്ദ്രങ്ങളിലെയും ബിഎസ്സി, മാസ്റ്റേ്ഴ്സ് കോഴ്സുകളിലേക്കുള്ള പ്രവേശന പരീക്ഷയുടെ രജിസ്ട്രേഷനാണ് നീട്ടിയത്.
ബിഎസ്സി നഴ്സിംഗ്, പാരാമെഡിക്കൽ കോഴ്സുകൾ എന്നിവയിലേക്കാണ് അപേക്ഷ ക്ഷണിച്ചിരിക്കുന്നത്. എംഎസ്സി കോഴ്സുകൾ, എംഎസ്സി നഴ്സിംഗ്, ബയോടെക്നോളജി എന്നിവയിലേക്കാണ് മാസ്റ്റേഴ്സ് പ്രോഗ്രാമുകളിൽ അപേക്ഷ ക്ഷണിച്ചിരിക്കുന്നത്. താത്പര്യമുള്ള വിദ്യാർത്ഥികൾക്ക് 2024 ഏപ്രിൽ 26 വൈകീട്ട് 5 മണിവരെ അപേക്ഷിക്കാവുന്നതാണ്. http://aiimsexams.ac.in എന്ന വെബ്സൈറ്റ് മുഖേന ബേസിക് രജിസ്ട്രേഷൻ പൂർത്തിയാക്കാവുന്നതാണ്.
ബേസിക് രജിസ്ട്രേഷൻ സ്വീകരിക്കപ്പെട്ട വിദ്യാർത്ഥികൾക്ക് ഫൈനൽ രജിസ്ട്രേഷൻ കോഡ് രൂപപ്പെടുത്താനാകും. ഇതിന് ശേഷമാകും അപേക്ഷാ ഫീസ് അടയ്ക്കുന്നതിനും പരീക്ഷാ കേന്ദ്രം തിരഞ്ഞെടുക്കുന്നതിനും സാധിക്കുക.2024 ഏപ്രിൽ 30 വൈകിട്ട് അഞ്ച് വരെയാണ് സമയ പരിധി.
