കല്‍പ്പറ്റ: പൂക്കോട് വെറ്ററിനറി സര്‍വകലാശാല വിദ്യാര്‍ത്ഥിയായിരുന്ന സിദ്ധാര്‍ത്ഥന്റെ മരണം അന്വേഷിക്കുന്ന സിബിഐക്ക് വിശദമായി മൊഴി നല്‍കി പിതാവ് ടി.ജയപ്രകാശ്. ബാഹ്യസമ്മര്‍ദ്ദമാണ് പൊലീസ് കൂടുതല്‍ പേരെ പ്രതിചേര്‍ക്കാത്തതിന് കാരണമെന്ന് അദ്ദേഹം പറഞ്ഞു.
രാവിലെ പത്തരയോടെയാണ് ജയപ്രകാശും അമ്മാവന്‍ ഷിബുവും വൈത്തിരി റസ്റ്റ് ഹൗസിലെത്തിയത്.മൊഴിയെടുപ്പ് അഞ്ചു മണിക്കൂര്‍ നീണ്ടു. മകന്റെ മരണവുമായി ബന്ധപ്പെട്ട സംശയങ്ങള്‍ ഉദ്യോഗസ്ഥരോട് പറഞ്ഞെന്ന് മൊഴി എടുത്തതിനുശേഷം ജയപ്രകാശ് പറഞ്ഞു.കൊലപാതകം ആണെന്ന സംശയവും പ്രകടിപ്പിച്ചു.
കുടുംബം പലപ്പോഴായി പ്രതിചേര്‍ക്കണമെന്ന ആവശ്യപ്പെട്ട അക്ഷയേയും സിബിഐ മൊഴിയെടുക്കാന്‍ വിളിപ്പിച്ചിരുന്നു. കോളേജ് മുന്‍ ഡീന്‍, അസി വാഡന്‍ എന്നിവരില്‍ നിന്നും അടുത്ത ദിവസങ്ങളില്‍ മൊഴിയെടുക്കും.
പ്രതികരിക്കാൻ ഇവിടെ എഴുതുക: