തിരുവനന്തപുരം: വിഷുവിന് പുതിയ നോട്ടുകൾ കൈനീട്ടം നൽകാൻ ആഗ്രഹമുണ്ടോ. എങ്കിൽ ഇതിനുള്ള സൗകര്യമൊരുക്കി ആർബിഐ. തിരുവനന്തപുരത്തെ ആർബിഐ ആസ്ഥാനത്ത് നിന്നും വിവിധ കേന്ദ്രങ്ങളിലെ കറൻസി ചെസ്റ്റുകളിൽ നിന്നും പുതിയ നോട്ടുകളും നാണയ തുട്ടുകളും ലഭിക്കും.
രാവിലെ 10-നും ഉച്ചയ്‌ക്ക് 2.30-നും ഇടയിലാകും പുതിയ നോട്ടുകൾ ലഭിക്കുക. 10 രൂപ നോട്ടുകൾക്ക് മാത്രമാണ് ക്ഷാമമെന്ന് ആർബിഐ അറിയിച്ചു. വിഷുക്കാലത്ത് മാത്രമല്ല, എല്ലാ സമയത്തും നോട്ടുകൾ മാറ്റിവാങ്ങാൻ ആർബിഐയിൽ സൗകര്യമുണ്ട്.
