ഐ ലീഗ് ജേതാക്കള്‍ക്ക് ഭാരത ക്ലബ്ബ് ഫുട്‌ബോളിലെ ഏറ്റവും വലിയ ലീഗായ ഐഎസ്എലിലേക്ക് നേരിട്ട് യോഗ്യത നേടാനാവും. കഴിഞ്ഞ സീസണ്‍ മുതലാണ് അത്തരത്തിലൊരു സംവിധാനം ഭാരത ഫുട്‌ബോള്‍ കൊണ്ടുവന്നത്. ഇത്തവണത്തെ ഐഎസ്എലില്‍ പഞ്ചാബ് എഫ്‌സി ഉള്‍പ്പെട്ടത് അങ്ങനെയാണ്. 2022-23 സീസണ്‍ ഐ ലീഗ് ജേതാക്കളാണ് പഞ്ചാബ് എഫ്‌സി.
കഴിഞ്ഞ ദിവസം ഐ ലീഗ് ജേതാക്കളായി നിര്‍ണയിക്കപ്പെട്ട മുഹമ്മദന്‍ സ്‌പോര്‍ട്ടിങ് ക്ലബ്ബിന് വരുന്ന ഐഎസ്എലില്‍ ചേരാന്‍ യോഗ്യത ലഭിക്കും. ഇതോടെ ഇന്ത്യന്‍ സൂപ്പര്‍ ലീഗില്‍ ബംഗാളില്‍ നിന്നുള്ള മൂന്നാമത്തെ വമ്പന്‍ ക്ലബ്ബ് കൂടിയായിരിക്കും വന്നു ചേരുക. നിലവില്‍ മോഹന്‍ ബഗാന്‍ സൂപ്പര്‍ ജയന്റ്‌സ്, ഈസ്റ്റ് ബംഗാള്‍ എന്നിവര്‍ കളിക്കുന്നുണ്ട്. ഈ രണ്ട് ക്ലബ്ബുകളും പതിറ്റാണ്ടുകളുടെ പാരമ്പര്യമുള്ള വമ്പന്‍ ഫുട്‌ബോള്‍ ടീമുകളാണ്. ഇവര്‍ക്ക് പിന്നാലെയാണ് ഇപ്പോള്‍ മുഹമ്മദന്‍ എസ് സിയും ഐഎസ്എല്‍ പ്രവേശത്തിന് തയ്യാറെടുക്കുന്നത്. ഐ ലീഗില്‍ അടുത്ത ശനിയാഴ്ച നടക്കുന്ന അവസാന മത്സരം കൂടി ബാക്കിനില്‍ക്കെയാണ് മുഹമ്മദന്‍ എസ് സിയുടെ കിരീടനേട്ടം.
പ്രതികരിക്കാൻ ഇവിടെ എഴുതുക: