തിരുവനന്തപുരം: താന്‍ തലസ്ഥാനത്തെ എംപിയായി വിജയിച്ചാല്‍ വലിയതുറ പാലത്തിന്റെ നവീകരണം നടപ്പിലാക്കുമെന്ന് എന്‍ഡിഎ സ്ഥാനാര്‍ത്ഥി രാജീവ് ചന്ദ്രശേഖര്‍. വലിയതുറയിലെ മത്സ്യത്തൊഴിലാളികളുമായി നടത്തിയ സംഗമത്തില്‍ അവരുടെ ആവശ്യങ്ങള്‍ക്ക് മറുപടിയായാണ് അദ്ദേഹം ഇക്കാര്യം ഉറപ്പുനല്‍കിയത്.
മത്സ്യത്തൊഴിലാളികള്‍ക്ക് വലിയതുറയില്‍ ഫിഷിങ്ങ് ഹാര്‍ബര്‍, യുവാക്കള്‍ക്കും കുട്ടികള്‍ക്കുമായി ഒരു കളിസ്ഥലം എന്നിവയും പ്രധാന ആവശ്യമായി ഉന്നയിച്ചു. എന്‍ഡിഎ സര്‍ക്കാര്‍ അധികാരത്തിലേറിയാല്‍ ഇവ മൂന്നും നടപ്പാക്കുകയാണ് തന്റെ പ്രഥമ പരിഗണനയെന്നു അദ്ദേഹം പറഞ്ഞു.
ഫിഷിങ് ഹാര്‍ബറിന്റെ ഡിസൈന്‍ പണികള്‍ പൂര്‍ത്തിയായതായും അദ്ദേഹം പറഞ്ഞു. വലിയതുറ ബിജെപി മണ്ഡലം ന്യൂനപക്ഷമോര്‍ച്ചയുടെ ആഭിമുഖ്യത്തിലായിരുന്നു സംഗമം സംഘടിപ്പിച്ചത്. മണ്ഡലം പ്രസിഡന്റ് ടിന്റോ ജോസഫ്, സ്റ്റീഫന്‍ ജോര്‍ജ്, ഏര്യ സെക്രട്ടറി സിന്റോ സില്‍വ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: