ന്യൂഡല്ഹി: 1000 മുതല് 2000 കിലോമീറ്റര് വരെ പ്രഹരശേഷിയുള്ള ന്യൂ ജനറേഷന് ബാലിസ്റ്റിക് മിസൈലായ അഗ്നിപ്രൈം വിജയകരമായി പരീക്ഷിച്ച് ഇന്ത്യ. ഒഡീഷ തീരത്തെ ഡോ. എ പി ജെ അബ്ദുള് കലാം ദ്വീപില് നിന്ന് ഡിഫന്സ് റിസര്ച്ച് ആന്ഡ് ഡവലപ്മെന്റ് ഓര്ഗനൈസേഷനും (ഡിആര്ഡിഒ) സ്ട്രാറ്റജിക് ഫോഴ്സ് കമാന്ഡും (എസ്എഫ്സി) ചേര്ന്ന് ബുധനാഴ്ച വൈകീട്ട് ഏഴിനാണ് പരീക്ഷണം നടത്തിയത്.
ട്രൈസര്വീസ് സ്ട്രാറ്റജിക് ഫോഴ്സ് കമാന്ഡ് (എസ്എഫ്സി ) നടത്തിയ അഗ്നിപ്രൈമിന്റെ രണ്ടാമത്തെ ‘പ്രീഇന്ഡക്ഷന് നൈറ്റ് ട്രയല്’ ആണ് നടത്തിയത്.
ട്രയലില് ലക്ഷ്യമിട്ട എല്ലാ കടമ്പകളും കടന്നാണ് മിസൈലിന്റെ പരീക്ഷണം പൂര്ത്തിയായത്. ചീഫ് ഓഫ് ഡിഫന്സ് സ്റ്റാഫ്, ചീഫ് ഓഫ് സ്ട്രാറ്റജിക് ഫോഴ്സ് കമാന്ഡ്, ഡിആര്ഡിഒയിലെയും ഇന്ത്യന് ആര്മിയിലെയും മുതിര്ന്ന ഉദ്യോഗസ്ഥരും വിക്ഷേപണത്തിന് സാക്ഷ്യം വഹിച്ചു.
Strategic Forces Command (SFC) along with DRDO conducted a successful flight test of New Generation Ballistic Missile Agni-Prime from Dr APJ Abdul Kalam Island off the coast of Odisha at around 7:00 PM yesterday. The test met all the trial objectives validating its reliable… pic.twitter.com/HdRVExs14P
— ANI (@ANI) April 4, 2024
പരീക്ഷണം വിജയകരമായി പൂര്ത്തിയാക്കിയ ഡിആര്ഡിഒ, എസ്എഫ്സി, സായുധ സേന വിഭാഗത്തെ പ്രതിരോധ മന്ത്രി രാജ്നാഥ് സിങ് അഭിനന്ദിച്ചു. മിസൈല് വിക്ഷേപണം വിജയകരമായി പൂര്ത്തീകരിക്കാനായത് സായുധ സേനയുടെ ശക്തി വര്ദ്ധിപ്പിക്കുമെന്ന് അദ്ദേഹം പറഞ്ഞു. എസ്എഫ്സിയുടെയും ഡിആര്ഡിഒയുടെയും ധീര ശ്രമത്തെ ചീഫ് ഓഫ് ഡിഫന്സ് സ്റ്റാഫ് ജനറല് അനില് ചൗഹാനും സെക്രട്ടറി ഡിആര്ഡിഒ ചെയര്മാന് സമീര് വി കാമത്തും അഭിനന്ദിച്ചു.
മാർച്ച് 11 ന് ആദ്യമായി ഒന്നിലധികം വാർഹെഡുകളുള്ള (എംഐആർവികൾ അല്ലെങ്കിൽ ഒന്നിലധികം സ്വതന്ത്രമായി ടാർഗെറ്റുചെയ്യാവുന്ന റീ-എൻട്രി വാഹനങ്ങൾ) 5,000 കിലോമീറ്ററിലധികം ദൂരമുള്ള അഗ്നി-5 ഭൂഖണ്ഡാന്തര ബാലിസ്റ്റിക് മിസൈലിന്റെ ഫ്ലൈറ്റ്-ട്രയലിന് ശേഷമാണ് ഏറ്റവും പുതിയ അഗ്നി-പ്രൈം പരീക്ഷണം.
