ആലപ്പുഴ: ആലപ്പുഴ ലോക്സഭാ മണ്ഡലത്തിലെ എൻഡിഎ സ്ഥാനാർത്ഥി ശോഭാ സുരേന്ദ്രന് തെരഞ്ഞെടുപ്പില് കെട്ടിവെയ്ക്കാനുള്ള തുക നല്കിയത് പോപ്പുലര് ഫ്രണ്ടുകാര് ക്രൂരമായി വെട്ടിക്കൊലപ്പെടുത്തിയ അഡ്വ. രണ്ജിത് ശ്രീനിവാസന്റെ ഭാര്യ.
ബുധനാഴ്ചയാണ് ശോഭാ സുരേന്ദ്രന് നാമനിർദ്ദേശ പത്രിക സമർപ്പിച്ചത്. പിഎഫ്ഐ ഭീകരർ വെട്ടിക്കൊലപ്പെടുത്തിയ അഡ്വ. രൺജിത്ത് ശ്രീനിവാസന്റെ ഭാര്യ ലിഷ രൺജിത്താണ് കെട്ടിവെക്കാനുള്ള തുക നൽകിയത്.
ആലപ്പുഴ ടൗൺ ഹാളിന് സമീപത്ത് നിന്ന് നൂറുകണക്കിന് സ്ത്രീ പ്രവർത്തകർക്കൊപ്പം പ്രകടനമായാണ് ശോഭാ സുരേന്ദ്രൻ കളക്ട്രേറ്റിൽ എത്തിയത്. സംസ്ഥാന-ജില്ലാ നേതാക്കളുടെ സാന്നിധ്യത്തിലായിരുന്നു കളക്ട്രേറ്റിൽ പത്രിക സമർപ്പണം നടന്നത്.
രണ്ജിത് ശ്രീനിവാസനെ കൊലപ്പെടുത്തിയ പോപ്പുലര് ഫ്രണ്ടിന്റെ 15 പേര്ക്കും മാവേലിക്കര സെഷന്സ് കോടതി വധശിക്ഷ വിധിച്ചിരുന്നു. പ്രതികള് യാതൊരുവിധ ദയയും അര്ഹിക്കുന്നില്ലെന്നായിരുന്നു കോടതി വിധി. 2021 ഡിസംബര് 19നായിരുന്നു രണ്ജിത് ശ്രീനിവാസനെ വധിച്ചത്.
