തിരുവനന്തപുരം : മനുഷ്യക്കടത്തിന് ഇരയായി റഷ്യന് യുദ്ധഭൂമിയില് കുടുങ്ങിയ രണ്ട് മലയാളികള് മോസ്കോയിലെ ഇന്ത്യന് എംബസിയിലെത്തി. പ്രിന്സ് സെബാസ്റ്റ്യന്, പൂവാര് സ്വദേശി ഡേവിഡ് മുത്തപ്പന് എന്നിവരാണ് എംബസിയിലെത്തിയത്.
ഇന്ത്യന് എംബസിയിലെത്തി ഇരുവരും നാട്ടിലേക്ക് വരാനുള്ള അപേക്ഷ നല്കി.താത്കാലിക യാത്രാരേഖയിലൂടെ ഇവരെ നാട്ടിലെത്തിക്കാനാണ് ശ്രമം. അഞ്ചുതെങ്ങ് സ്വദേശികളായ ടിനു പനിയടിമ, വിനീത് സില്വ എന്നിവരെ കണ്ടെത്താനുളള ശ്രമിക്കുകയാണ് അധികൃതര്.
അഞ്ചുതെങ്ങില് നിന്നുളള മൂന്നു യുവാക്കളാണ് മനുഷ്യക്കടത്തിന് ഇരയായി റഷ്യയില് യുദ്ധമുഖത്ത് കുടുങ്ങിയത്.
തുമ്പ സ്വദേശി ട്രാവല് ഏജന്റ് വഴിയാണ് ഇവര് റഷ്യയിലെത്തിയത്. സുരക്ഷാജോലിയും മികച്ച ശമ്പളവും വാഗ്ദാനം നല്കിയായിരുന്നു ഇവരെ റഷ്യയിലേക്ക് അയച്ചത്.റഷ്യയിലെത്തിയ ഇവരില് നിന്ന് ചില പേപ്പറുകള് ഒപ്പിട്ട് വാങ്ങിയ ശേഷം മിലിട്ടറി ക്യാമ്പിലേക്ക് കൈമാറുകയായിരുന്നു. പരിശീലനം നല്കിയ ശേഷം പ്രിന്സിനേയും വിനീതിനേയും ഒരു സ്ഥലത്തേക്കും ടിനുവിനെ മറ്റൊരു സ്ഥലത്തേക്കും അയയ്ക്കുകയായിരുന്നു.
