തൃശൂര്‍: തെരഞ്ഞെടുപ്പ് പ്രചാരണത്തിന്റെ ഭാഗമായി സ്ഥാപിച്ച ഫ്‌ളകസില്‍ ക്ഷേത്രത്തിന്റെ ചിത്രം ഉള്‍പ്പെടുത്തിയ സി പി ഐ സ്ഥാനാര്‍ത്ഥി വി എസ് സുനില്‍ കുമാറിനെതിരെ പരാതി. ഫ്‌ളക്‌സില്‍ തൃപ്രയാര്‍ തേവരുടെ ചിത്രം ഉള്‍പ്പെടുത്തിയെന്ന് കാട്ടി കെപിസിസി വര്‍ക്കിംഗ് പ്രസിഡന്റ് ടിഎന്‍ പ്രതാപന്‍ ആണ് തെരഞ്ഞെടുപ്പ് കമ്മീഷനില്‍ പരാതി നല്‍കിയത്.
നേരത്തെ നടന്‍ ടൊവീനോ തോമസിനൊപ്പമുള്ള ചിത്രം സമൂഹമാധ്യമത്തില്‍ പങ്കുവച്ചത് സുനില്‍ കുമാറിനെ വെട്ടിലാക്കിയിരുന്നു. തെരഞ്ഞെടുപ്പ് കമ്മീഷന്‍ ബ്രാന്‍ഡ് അംബാസിഡറാണ് ടൊവീനോ തോമസ്. ഇത് ചൂണ്ടിക്കാട്ടി ചിത്രം പ്രചാരണത്തിനായി ഉപയോഗിക്കരുതെന്ന് ടൊവീനോ തന്നെ പറഞ്ഞതോടെ വി സെ് സുനില്‍ കുമാര്‍ ഈ ഫോട്ടോ പിന്‍വലിച്ചിരുന്നു.
ഈ വിഷയത്തില്‍ പിന്നീട് തൃശൂര്‍ സബ് കളക്ടര്‍ സിപിഐക്ക് നോട്ടീസ് നല്‍കിയിരുന്നു. ടൊവീനോയുടെ ഫോട്ടോ പ്രചാരണത്തിന് ഉപയോഗിക്കുന്നതിനെതിരെ തെരഞ്ഞെടുപ്പ് കമ്മീഷനും താക്കീത് നല്‍കിയിരുന്നു.
പ്രതികരിക്കാൻ ഇവിടെ എഴുതുക: