തൃശൂർ: ഓട്ടുപാറ ടൗണിൽ നിർത്തിയിട്ട ഇലക്ട്രിക് സ്‌കൂട്ടർ കത്തിനശിച്ചു. ഓട്ടുപാറ ഫയര്‍‌സ്റ്റേഷന് 50 മീറ്റർ അകലെയാണ് തീപിടിത്തമുണ്ടായത്. കളപ്പുരയ്‌ക്കൽ കെജി റോബിന്റെ ഉടമസ്ഥതയിലുള്ള ടൈലോസ് എന്ന കമ്പനിയുടെ സ്‌കൂട്ടറാണ് കത്തിയത്.
സ്‌കൂട്ടറിൽ നിന്നും പൊട്ടിത്തെറി ഉണ്ടായതോടെ പ്രദേശവാസികൾ പരിഭ്രാന്തിയിലായി. വളരെയധികം തിരക്കുള്ള റോഡാണിത്. ഉടൻ തന്നെ ഫയർഫോഴ്‌സ് എത്തി തീയണച്ചതിനാൽ വൻ ദുരന്തം ഒഴിവായി. ഇന്നലെ രാവിലെ 11 മണിയോടെയായിരുന്നു സംഭവം. സ്‌കൂട്ടർ ആളിക്കത്തുന്നതിന്റെ ദൃശ്യങ്ങൾ ഇതിനോടകം തന്നെ പ്രചരിക്കുന്നുണ്ട്. അപകടത്തിന് പിന്നിലെ കാരണം വ്യക്തമല്ല.
പ്രതികരിക്കാൻ ഇവിടെ എഴുതുക: