ബെംഗളൂരു: ഹോളി അവധിയോടനുന്ധിച്ച് യാത്രക്കാരുടെ തിരക്ക് കണക്കിലെടുത്ത് ബെംഗളൂരുവില് നിന്ന് കൊച്ചുവേളിയിലേക്കും കണ്ണൂരിലേക്കും സ്പെഷ്യല് ട്രെയിനുകള് പ്രഖ്യാപിച്ച് സൗത്ത് വെസ്റ്റേണ് റെയില്വേ.
ഹോളി അവധിയ്ക്ക് നാട്ടിലെത്താന് ആഗ്രഹിക്കുന്ന മലയാളികള്ക്ക് ഏറെ പ്രയോജനമാകുന്ന സര്വീസാണിത്. രണ്ട് റൂട്ടിലും ഇരുദിശകളിലേക്കുമായി നാല് സര്വീസുകളാണ് ഷെഡ്യൂള് ചെയ്തിരിക്കുന്നത്. ടിക്കറ്റ് റിസര്വേഷന് ഇതിനോടകം ആരംഭിച്ചിട്ടുണ്ട്.
ട്രെയിന് നമ്പര് 06555 എസ്എംവി ബെംഗളൂരു – കൊച്ചുവേളി സ്പെഷ്യല് ട്രെയിന് മാര്ച്ച് 23, 30 തീയതികളില് രാത്രി 11.55നാണ് യാത്ര ആരംഭിക്കുക. പിറ്റേന്ന് വൈകീട്ട് 07.40ന് ട്രെയിന് കൊച്ചുവേളിയിലെത്തിച്ചേരും.
വൈറ്റ്ഫീല്ഡ്, ബംഗാറപേട്ട്, കുപ്പം,സേലം, ഈറോഡ്, തിരുപ്പൂര്, കോയമ്പത്തൂര്, പാലക്കാട്, ഒറ്റപ്പാലം, തൃശൂര്, ആലുവ, എറണാകുളം ടൗണ്, കോട്ടയം, തിരുവല്ല, ചെങ്ങന്നൂര്, കായംകുളം,കൊല്ലം സ്റ്റേഷനുകള് പിന്നിട്ടാണ് ട്രെയിന് കൊച്ചുവേളിയിലെത്തുക.
മടക്കയാത്രയില് 06556 കൊച്ചുവേളി- ബെംഗളൂരു സ്പെഷ്യല് ട്രെയിന് മാര്ച്ച് 24, 31 തീയതികളില് രാത്രി 10മണിയ്ക്കാണ് ട്രെയിന് യാത്ര ആരംഭിക്കുക. പിറ്റേന്ന് വൈകീട്ട് 04.30ന് ബെംഗളൂരുവിലെത്തിച്ചേരും. ഒരു എസി ടു ടയര്
കോച്ച്, ആറ് എസി ത്രീ ടയര് കോച്ചുകള്, എട്ട് സ്ലീപ്പര് ക്ലാസ് കോച്ചുകള്, മൂന്ന് ജനറല് സെക്കന്ഡ് ക്ലാസ് കോച്ചുകള്, രണ്ട് ഭിന്നശേഷി സൗഹൃദ സെക്കന്ഡ് ക്ലാസ് കോച്ചുകള് എന്നിവയാണ് ഉള്ളത്. സ്ലീപ്പര് ക്ലാസിന് ബെംഗളൂരു
വില് നിന്ന് കൊച്ചുവേളിയിലേക്ക് 555 രൂപയും, എസി ത്രീ ടയറും 1505രൂപയും എസി ടു ടയറിന് 2095 രൂപയുമാണ് ടിക്കറ്റ് നിരക്ക്.
06557 ബെംഗളൂരു – കണ്ണൂര് സ്പെഷ്യല് ട്രെയിന്
മാര്ച്ച് 19, 26 തീയതികളിലാണ് സര്വീസ് ആരംഭിക്കുക. ചൊവ്വാഴ്ചകളില് രാത്രി 11.55ന് പുറപ്പെടുന്ന ട്രെയിന് പിറ്റേദിവസം ഉച്ചയ്ക്ക് 2 മണിയോടെ കണ്ണൂരിലെത്തും. മടക്കയാത്ര 06558 കണ്ണൂര് – ബെംഗളൂരു സ്പെഷ്യല് ട്രെയിന് മാര്ച്ച് 20, 27 തീയതികളില് രാത്രി 10 മണിയ്ക്കാണ് കണ്ണൂരില്നിന്ന് യാത്ര ആരംഭിക്കുക.
പിറ്റേന്ന് ഉച്ചയ്ക്ക് ഒരുമണിയോടെ ബെംഗളൂരുവിലെത്തും. രാത്രി 11.55ന് ബെംഗളൂരുവില് നിന്ന് പുറപ്പെടുന്ന ട്രെയിന് കൃഷ്ണരാജപുരം, ബംഗാറപേട്ട്, സേലം, ഈറോഡ്, കോയമ്പത്തൂര്, പാലക്കാട്, ഷൊര്ണ്ണൂര്, തിരൂര്, കോഴിക്കോട്, വടകര, തലശേരി സ്റ്റേഷനുകള് പിന്നിട്ടാണ് ട്രെയിന് 2 മണിയോടെ കണ്ണൂരിലെത്തുക.
