തിരുവനന്തപുരം: കേരളത്തിലും തമിഴ്നാട്ടിലും ബിജെപി രണ്ടാം സ്ഥാനത്തെത്തുമെന്ന് ടിവി9 തെരഞ്ഞെടുപ്പ് അഭിപ്രായ സര്വ്വേ പറയുന്നു. കേരളത്തില് ബിജെപി രണ്ട് സീറ്റുകള് നേടിയാണ് രണ്ടാം സ്ഥാനത്ത് എത്തുന്നതെങ്കില് തമിഴ്നാട്ടില് ബിജെപി മൂന്ന് സീറ്റുകള് നേടി രണ്ടാം സ്ഥാനത്തെത്തുമെന്ന് സര്വ്വേ പറയുന്നു.
പോള്സ്ട്രാറ്റും പീപ്പിള്സ് ഇന്സൈറ്റുമായി ചേര്ന്ന് ടിവി9 നടത്തിയ സര്വ്വേയാണ് പ്രസിദ്ധീകരിച്ചത്. കേരളത്തില് ആകെയുള്ള 20 സീറ്റുകളില് 17ഉം യുഡിഎഫ് നേടുമെന്ന് പറയുന്ന സര്വ്വേ കേരളത്തില് രണ്ട് സീറ്റുകള് നേടി ബിജെപി അക്കൗണ്ട് തുറക്കുമെന്നും പ്രവചിക്കുന്നു. ഇടത് ജനാധിപത്യമുന്നണി ഒരു സീറ്റ് മാത്രം നേടി ബിജെപിക്ക് പിന്നില് നില്ക്കുമെന്നും സര്വ്വേ പ്രവചിക്കുന്നു.
അതുപോലെ തമിഴ്നാട്ടില് അണ്ണാമലൈയുടെ നേതൃത്വത്തില് ബിജെപി 3 സീറ്റുകള് പിടിക്കുമെന്നും സര്വ്വേ ഫലം പറയുന്നു. ആകെയുള്ള 39 സീറ്റുകളില് 36ഉം ഡിഎംകെ നേടുമെന്നും സര്വ്വേ ഫലം പറയുന്നു. പളനിസ്വാമി നയിക്കുന്ന എഐഎഡിഎംകെ വട്ടപ്പൂജ്യമായിരിക്കുമെന്നും സര്വ്വേ പ്രവചിക്കുന്നു.
