കോഴിക്കോട്: കോതമംഗലം മാര് അത്തനേഷ്യസ് കോളജ് അസോസിയേഷന് ഏര്പ്പെടുത്തിയിട്ടുള്ള പ്രൊഫ. എം.പി. വര്ഗീസ് പുരസ്കാരം സാഹിത്യകാരന് എം.ടി. വാസുദേവന് നായര്ക്ക് സമ്മാനിക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു.
16ന് വൈകിട്ട് നാലിന് മുതലക്കുളം മലബാര് പാലസ് ഹോട്ടലില് നടക്കുന്ന ചടങ്ങില് അവാര്ഡും സമ്മാനത്തുകയായ ഒരു ലക്ഷം രൂപയും മാര് അത്തനേഷ്യസ് കോളജ് അസോസിയേഷന് ചെയര്മാന് ഡോ. മാത്യൂസ് എഫ്രേമും പ്രശസ്തിപത്രം മാര് അത്തനേഷ്യസ് കോളജ് അസോസിയേഷന് സെക്രട്ടറി ഡോ. വിന്നി വര്ഗീസും എംടിക്ക് കൈമാറും.
1953ല് സ്ഥാപിതമായ മാര് അത്തനേഷ്യസ് കോളജ് അസോസിയേഷന് സ്ഥാപക സാരഥിയായ പ്രൊഫ. എം.പി. വര്ഗീസിന്റെ സ്മരണാര്ത്ഥം മാര് അത്തനേഷ്യസ് കോളജ് അസോസിയേഷനും കര്ഷകരുടെ അവകാശങ്ങള് സംരക്ഷിക്കുന്നതിന് വേണ്ടി പ്രൊഫ. എം.പി. വര്ഗീസ് സ്ഥാപിച്ച സംഘടനയായ ഓഫറും (ഓര്ഗനൈസേഷന് ഓഫ് ഫാര്മേഴ്സ് ഫോര് എസ്റ്റാബ്ലിഷ്മെന്റ് ഓഫ് റൈറ്റ്സ്) ചേര്ന്നാണ് പു
രസ്കാരം ഏര്പ്പെടുത്തിയിട്ടുള്ളത്.
വാര്ത്താസമ്മേളനത്തില് മാര് അത്തനേഷ്യസ് കോളജ് അസോ. ചെയര്മാന് ഡോ. വിന്നി വര്ഗീസ്, എം.എ. കോളജ് ഓഫ് എന്ജിനിയറിങ് കോഓര്ഡിനേറ്റര് ഡോ. ദീപക് എല്ദോ ബാബു, ഡോ. അശ്വതി ബാലചന്ദ്രന് പങ്കെടുത്തു.
