റംസാന്‍ മാസത്തോട് അനുബന്ധിച്ച് കടപ്പുറത്ത് നോമ്പുതുറക്കാന്‍ സുരേഷ് ഗോപി എത്തി

തൃശൂര്‍: റംസാന്‍ മാസത്തോട് അനുബന്ധിച്ച് വെള്ളിയാഴ്ച നോമ്പ് തുറക്കാന്‍ തീരദേശത്ത് സുരേഷ് ഗോപിയും എത്തി.

അദ്ദേഹത്തെ കാത്ത് പതിവുപോലെ മുസ്ലിംസമുദായത്തില്‍പ്പെട്ട ഒട്ടേറെപ്പേര്‍ എത്തിയിരുന്നു. നോമ്പുതുറക്കുന്നതിന്റെ ഭാഗമായുള്ള പാനീയം അദ്ദേഹം കുടിച്ചു.

സുരേഷ് ഗോപി എല്ലാവര്‍ക്കും നല്ലൊരു റംസാന്‍ ആശംസിച്ചു. മുസ്ലിം സ്ത്രീകളും അദ്ദേഹത്തെ സ്വീകരിക്കാന്‍ എത്തിയിരുന്നു.

നോമ്പുതുറയില്‍ പങ്കെടുക്കുന്ന സുരേഷ് ഗോപിയുടെ വീഡിയോയ്‌ക്ക് ഒട്ടേറെ പ്രതികരണങ്ങള്‍ വരുന്നുണ്ട്. “ഇദ്ദേഹം തോറ്റാൽ ഒരു മതത്തിലെയും ഒരു ദൈവവും പൊറുക്കില്ല” എന്നാണ് ഒരാള്‍ പ്രതികരിച്ചിരിക്കുന്നത്. “രാഷ്‌ട്രീയം വേറെ നോമ്പ് തുറക്കൽ സദസ്സിൽ വന്നതിന് ആദരിക്കണം ആള്ക്ക് വേണ്ട ഭക്ഷണം എന്താണോ അത് കൊടുക്കണം” എന്നാണ് അബ്ദുള്‍ സമദ് എന്നയാളുടെ പ്രതികരണം.

മറ്റൊരാളുടെ പ്രതികരണം രസകരമാണ്:”ഇലക്ഷൻ കഴിയുന്നത് വരെ എന്തൊക്കെ കാണണം” എന്ന് ചോദിച്ചവരോട്
1. നിങൾ സുരേഷ് ഗോപിയെ ഇതിന് മുമ്പ് MP ആക്കി വിട്ടിട്ട് നിങ്ങളെ തിരിഞ്ഞു നോക്കാത്തതാണോ?
Ans: അല്ല
2. നിങൾ ഇതുവരെ ജയിപ്പിച്ച MP മാർ ഇലക്ഷൻ കഴിഞ്ഞു നിങ്ങളെ എത്രവട്ടം തിരിഞ്ഞു നോക്കി? Ans: 0″.

മറ്റൊരു വ്യക്തി പ്രതികരിച്ചിരിക്കുന്നത് ഇങ്ങിനെ:”സുരേഷ് ഏട്ടാ.. ഒരു UPI id ഉണ്ടാക്കുമോ? ഇലക്ഷന് ഒത്തിരി ചിലവുണ്ട്.. കുറച്ചു പണം ഞങ്ങൾ അയച്ചു തരാം.. എല്ലാം കയ്യിന്നു ചിലവാക്കേണ്ട..”