സുല്ത്താന്ബത്തേരി: കെഎസ്ആര്ടിസി സുല്ത്താന്ബത്തേരി ഡിപ്പോയിലെ കണ്ടക്ടര് മുഹമ്മദലി ബീനാച്ചി ഡ്രൈവര് ഷിജി അമ്പലവയല് എന്നിവരാണ് ഉടമസ്ഥനെ കണ്ടെത്തി സ്വര്ണ്ണമാല തിരിച്ചേല്പ്പിച്ച് മാതൃകയായത്.
കഴിഞ്ഞ ആഴ്ച മുണ്ടക്കയം സ്വദേശി സുഹൈലും കുടുംബവും കെഎസ്ആര്ടിസി ബസ് ബുക്ക് ചെയ്ത് ചാലക്കുടിയിലുള്ള ബന്ധുവീട്ടില് യാത്ര പോയതാണ്
ചാലക്കുടിയിലുള്ള ബന്ധുവിന്റെ വീട്ടില് പോയതിന്ശേഷമാണ് മൂന്നര വയസ്സുകാരി മകളുടെ മാല നഷ്ടപ്പെട്ട വിവരം അറിയാന് കഴിഞ്ഞത്.
വീട്ടിലും വരുന്ന വഴിയിലും അന്വേഷിച്ചുവെങ്കിലും മാല കണ്ടെത്താന് കഴിഞ്ഞില്ല. അപ്പോഴാണ് തങ്ങള് യാത്ര ചെയ്ത ബസ്സില് മാല നഷ്ടപ്പെട്ടു കാണുമോ എന്ന് സുഹൈലിനെ സംശയം തോന്നിയത്. തുടര്ന്ന് ബുക്ക് ചെയ്ത് യാത്ര ചെയ്തതാകയാല് കണ്ടക്ടറായ മുഹമ്മദ് അലി ബീനാച്ചിയുടെ നമ്പര് ഉണ്ടായിരുന്നു ഉടനെ കണ്ടക്ടറെ വിളിച്ചു മാല നഷ്ടപ്പെട്ട വിവരം അറിയിച്ചു.
കണ്ടക്ടര് ഉടന്തന്നെ വിശദമായ വിവരങ്ങള് ചോദിച്ചു മനസ്സിലാക്കി സുഹൈലും കുടുംബവും ഇരുന്ന സീറ്റും പരിസരവും പരിശോധിച്ച് മാല കണ്ടെത്തുകയായിരുന്നു. മാല കിട്ടിയ വിവരം സുഹൈലിനെ വിളിച്ചുപറയുകയും ചെയ്തു.
അടുത്ത സര്വ്വീസില് കൊടുത്തു വിടണമോ എന്ന് ചോദിച്ചെങ്കിലും നിങ്ങള് ഇനി വരുന്ന ദിവസം കൊണ്ടുവന്നാല് മതി എന്ന് യാത്രക്കാരന് അറിയിച്ചു.
പറഞ്ഞത് പോലെ അടുത്തഡ്യൂട്ടിയില് കണ്ടക്ടര് മുഹമ്മദ് അലി ബീനാച്ചിയും ഡ്രൈവര് ഷിജി അമ്പലവയലും സുല്ത്താന്ബത്തേരിയില് നിന്ന് പത്തനംതിട്ടയിലേക്ക് സര്വീസ് നടത്തവെ പന്ത്രണ്ടാം തീയതി വൈകിട്ട് കാഞ്ഞിരപ്പള്ളിയില് വച്ച് സുഹൈലിനെ കണ്ടെത്തി സ്വര്ണ്ണ മാല തിരിച്ചേല്പ്പിക്കുകയും ചെയ്തു. മകളുടെ മാല തിരിച്ചു കിട്ടിയ സന്തോഷം അദ്ദേഹം പങ്കുവെച്ച് കെഎസ്ആര്ടിസിയിലെ ജീവനക്കാരെ അനുമോദിക്കുകയും സന്തോഷം പങ്കിടുകയും ചെയ്തു.
അര്പ്പണ ബോധത്തോടുകൂടിയും സത്യസന്ധതയോടെ പ്രവര്ത്തിച്ച സുല്ത്താന്ബത്തേരി ഡിപ്പോയിലെ കണ്ടക്ടര് മുഹമ്മദലി ബീനാച്ചിക്കും, ഡ്രൈവര് ശ്രീഷിജി അമ്പലവയലിനും കെഎസ്ആര്ടിയുടെ ഒഫിഷ്യല് ഫേസ്ബുക്കിലൂടെ ടീം കെഎസ്ആര്ടിസിയുടെ അഭിനന്ദനങ്ങള് അറിയിച്ച് ഫേസ്ബുക്ക് പോസ്റ്റും ഇട്ടിട്ടുണ്ട്.
