തിരുവനന്തപുരം:ഒരു എം എല് എയെ രാത്രി ഹോട്ടല് വളഞ്ഞ് അറസ്റ്റ് ചെയ്ത പൊലീസ് എപ്പോഴാണ് അതുപോലെ മന്ത്രി ഗണേഷ് കുമാറിനെ പിടികൂടുന്നതെന്ന് ചോദിച്ച് രാഹുല് മാങ്കൂട്ടത്തില് എംഎല്എ.നിരന്തര കുറ്റവാളി ആയ ഗണേഷിനെ കുറിച്ച് ഭാര്യ തന്നെ പരാതി ഉന്നയിച്ചു.
ഉമ്മന് ചാണ്ടിയോട് കാട്ടിയ നീതികേടിന് കിട്ടിയ കൂലിയാണിതെന്നും രാഹുല് മാങ്കൂട്ടത്തില് പറഞ്ഞു.
ഊരും പേരും ഇല്ലാത്ത മെയില് പ്രകാരം ജനപ്രതിനിധിയെ അറസ്റ്റ് ചെയ്ത പൊലീസ് ഗണേഷ് കുമാറിനെ എപ്പോഴാണ് അറസ്റ്റ് ചെയ്യുക. ഗണേഷിനെ അറസ്റ്റ് ചെയ്യാന് എപ്പോഴാണ് മുഖ്യമന്ത്രിയുടെ പൊലീസ് എപ്പോഴാണ് പുറപ്പെടുക. എപ്പോഴാണ് മന്ത്രിയുടെ രാജി ചോദിച്ചു വാങ്ങുക. ഗണേഷിന്റെ ഭാര്യ കണ്ട്രോള് റൂമില് നല്കിയ പരാതിയ്ക്ക് എന്ത് പരിഹാരമുണ്ടായി. മന്ത്രി ഫോണ് ചോര്ത്തിയെന്ന ഭാര്യയുടെ പരാതി അതീവ ഗുരുതരമല്ലേ- രാഹുല് മാങ്കൂട്ടത്തില് ചോദിച്ചു.
ഗണേഷ് കുമാറിന് ധാരാളം പ്രണയങ്ങള് ഉണ്ടെന്ന് പറഞ്ഞത് സംബന്ധിച്ച് അത് അദ്ദേഹത്തിന്റെ സ്വാതന്ത്ര്യമെന്ന് രാഹുല് മാങ്കൂട്ടത്തില് പറഞ്ഞു. വഴിയില് കാണുന്നവരെ എല്ലാം വിളിച്ചു കയറ്റാന് കെഎസ്ആര്ടിസി ബസ് ഒന്നും അല്ലല്ലോ. ഗണേഷ് കുമാറിന്റെ ഭാര്യയെ മന്ത്രിയുടെ സ്റ്റാഫുകള് കയ്യേറ്റംചെയ്തു. രാജ്യത്തിന്റെ നിയമത്തിന്റെ ഒരു പരിരക്ഷയും കിട്ടാത്ത കുറ്റകൃത്യം അവിടെ നടന്നോ എന്ന് ഗണേഷ് കുമാര് പറയണമെന്നും രാഹുല് മാങ്കൂട്ടത്തില് ആവശ്യപ്പെട്ടു.
ഗണേശിന്റെ യോഗ്യത ഏറ്റവും നന്നായി അറിയാവുന്നത് ആര് ബാലകൃഷ്ണ പിള്ളക്കാണ്. ഒറ്റയടിക്ക് മൂന്ന് പാട് കിട്ടിയ ആളാണ് ഗണേഷ് കുമാര്. നമ്മള് വിശ്വാസപൂര്വം കാണുന്ന ഏതെങ്കിലും ബിംബത്തെ ഗണേഷ് കുമാര് ചൂഷണം ചെയ്തോ എന്നും അറിയണമെന്നും രാഹുല് മാങ്കൂട്ടത്തില് പറഞ്ഞു.
