മുംബൈ: മഹാരാഷ്ട്രയില് കോണ്‍ഗ്രസിന് കനത്ത തിരിച്ചടിയായി മുതിര്‍ന്ന പാര്‍ട്ടി നേതാവ് പദ്മകര്‍ വാല്‍വി ബിജെപിയില്‍ ചേര്‍ന്നു. ബുധനാഴ്ച മുംബൈയില്‍ സംസ്ഥാന ബിജെപി അധ്യക്ഷന്‍ ചന്ദ്രശേഖര്‍ ബവന്‍കുലെയുടെയും പാര്‍ട്ടി നേതാവ് അശോക് ചവാന്റെയും സാന്നിധ്യത്തിലാണ് മുന്‍ മന്ത്രികുടിയായ പദ്മകര്‍ ഭാരതീയ ജനതാ പാര്‍ട്ടിയില്‍ (ബിജെപി) ചേര്‍ന്നത്.
രാഹുല്‍ ഗാന്ധിയുടെ ഭാരത് ജോഡോ ന്യായ് യാത്ര ചൊവ്വാഴ്ച മഹാരാഷ്‌ട്രയിലെ നന്ദുര്‍ബാറില്‍ എത്തിയ സമയത്താണ് വാല്‍വിയുടെ ബിജെപിയിലേക്കുള്ള മാറ്റം. ആദിവാസി ആധിപത്യ ജില്ലയായ നന്ദുര്‍ബാറിലെ കോണ്‍ഗ്രസ് പാര്‍ട്ടിയുടെ ജനകീയ മുഖമായിരുന്നു വാല്‍വി. അദേഹം നന്ദുര്‍ബാറില്‍ നിന്ന് മൂന്ന് തവണ എംഎല്‍എയായിട്ടുണ്ട്. വടക്കന്‍ മഹാരാഷ്ട്രയില് നിന്നുള്ള ശക്തനായ കോണ്‍ഗ്രസ് നേതാവായ വാല്‍വി മുന്‍ കോണ്‍ഗ്രസ്-എന്‍സിപി സര്‍ക്കാരില്‍ മന്ത്രിയായിരുന്നു.
പ്രതികരിക്കാൻ ഇവിടെ എഴുതുക: